- 2019-08-30 07:26:48
- កីឡាផ្សេងៗ
បច្ចេកទេសជាក្រុម អាស៊ីមានតែកម្ពុជាម្នាក់គត់ឈ្នះមេដាយប្រាក់ ខណៈម្ចាស់ក្បាច់គុនក៏ធ្លាក់
- 2019-08-30 07:26:48
- ចំនួនមតិ 0 | ចំនួនចែករំលែក 0
បច្ចេកទេសជាក្រុម អាស៊ីមានតែកម្ពុជាម្នាក់គត់ឈ្នះមេដាយប្រាក់ ខណៈម្ចាស់ក្បាច់គុនក៏ធ្លាក់
ចន្លោះមិនឃើញ
មិនធម្មតានោះឡើយ ទោះកម្ពុជាភាគច្រើនមាឌតូចល្អិតយ៉ាងនេះក្ដី ប៉ុន្តែនៅតែជម្នះ និងធ្វើបានល្អរហូតអាចឈ្នះមេដាយប្រាក់ពិភពលោក លើវិញ្ញាសាបច្ចេកទេសពិសេសជាក្រុម ខណៈប្រទេសអាស៊ីចូលរួមធ្លាក់គ្មានសល់។
កីឡាករ ប៉ាល់ ជីវ័ន បានឲ្យដឹងថា មេដាយប្រាក់ដែលកម្ពុជាទទួលបាននេះ គឺឆ្លងកាត់ការលំបាកជាច្រើន ដោយសារតែវិញ្ញាសាបច្ចេកទេសពិសេសនេះ វាត្រូវការលោតច្រើន ហើយខ្ពស់ៗទៀតផង។ ចំណុចប៉ុន្មានទាំងនេះហើយដែលរឹតតែអំណោយផល ដល់កីឡាករអឺរ៉ុបខ្លាំងព្រោះពួកគេខ្ពស់ៗ ងាយស្រួលក្នុងការលោតទាត់។
សិស្សគុនឆ្នើមរបស់ ITF ខាងលើនេះបន្ថែមទៀតថា ក្នុងចំណោម១៨ប្រទេសដែលលេងលើវិញ្ញាសាបច្ចេកទេសពិសេសជាក្រុមនេះ គឺក្រុមអាស៊ីធ្លាក់គ្មានសល់ហើយ ពោលសូម្បីម្ចាស់ក្បាច់គុនកូរ៉េខាងជើងក៏មិនអាចធ្វើបានល្អដែរ។
រំលឹកដែរថា លើវិញ្ញាសាបច្ចេកទេសពិសេសជាក្រុមនេះ មេដាយមាសបានលើប្រទេសប៊ុលហ្គារី មេដាយប្រាក់ កម្ពុជា និងមេដាយសំរឹទ្ធ បានលើប្រទេសក្រិក។ មកដល់ពេលនេះក្រុមតេក្វាន់ដូ ITF កម្ពុជា ឈ្នះមេដាយ៣គ្រឿង មាស១ និងប្រាក់២ ក្នុងព្រឹត្តិការណ៍ជ្រើរើសជើងឯកពិភពលោកលើកទី២១ឯប្រទេសប៊ុលហ្គារី៕