- 2019-06-28 04:52:14
- កីឡាផ្សេងៗ
យុវជន៤០៦នាក់ មកពី១០ប្រទេស បើកយុទ្ធនាការប្រកួតហើយព្រឹកមិញនេះ កម្មវិធីជើងឯកយុវជនអាស៊ីអាគ្នេយ៍
- 2019-06-28 04:52:14
- ចំនួនមតិ 0 | ចំនួនចែករំលែក 0
យុវជន៤០៦នាក់ មកពី១០ប្រទេស បើកយុទ្ធនាការប្រកួតហើយព្រឹកមិញនេះ កម្មវិធីជើងឯកយុវជនអាស៊ីអាគ្នេយ៍
ចន្លោះមិនឃើញ
កម្មវិធីប្រកួតហែលទឹកជើងឯកយុវជនអាស៊ីអាគ្នេយ៍ លើកទី៤៣ ចាប់ផ្ដើមហើយកាលពីព្រឹកមិញនេះ នៅឯពហុកីឡដ្ឋានមរតកតេជោ ដែលមានកីឡាករ កីឡាការិនី ៤០៦នាក់ មកពី១០ប្រទេសផ្សេងគ្នាចូលរួម។
ឯកឧត្ដម ស៊ុន ចាន់ថុល ប្រធានសហព័ន្ធខ្មែរកីឡាហែលទឹក បានឲ្យដឹងថា នេះជាលើកដំបូងហើយដែលកម្ពុជារៀបចំព្រឹត្តិការណ៍ជាលក្ខណៈអន្តរជាតិបែបនេះ បន្ទាប់ពីធ្លាប់ធ្វើម្ចាស់ផ្ទះកម្មវិធី Games Ganefo អាស៊ីលើកទី១ កាលពីឆ្នាំ១៩៦៦ កន្លងទៅ។
ប្រធានសហព័ន្ធរូបនេះបន្ថែមទៀតថា ការរៀបចំកម្មវិធីប្រកួតនេះឡើង បង្ហាញពីភាពពង្រឹងទំនាក់ទំនង រឹតចំណងមិត្តភាព សាមគ្គីភាព និងស្វែងយល់ពីគ្នាទៅវិញទៅមករវាងបណ្ដាប្រទេសនានាដែលបានចូលរួម។ ក្រៅពីនេះទៀតនោះគឺជាការប្រកួតដកស្រង់បទពិសោធពីគ្នាទៅវិញទៅមកផងដែរ។
បញ្ជាក់ដែរថា កម្មវិធីប្រកួតហែលទឹកជ្រើសរើសជើងឯកយុវជនអាស៊ីអាគ្នេយ៍លើកទី៤៣ ដែលកម្ពុជាធ្វើជាម្ចាស់ផ្ទះនេះគឺមានរយៈពេល៣ថ្ងៃ ចាប់ពីថ្ងៃទី២៨-៣០ ខែមិថុនា ឆ្នាំ២០១៩។ ការប្រកួតនេះធ្វើឡើងនៅឯពហុកីឡដ្ឋានមរតកតេជោ៕