- 2019-06-10 23:30:00
- កីឡាផ្សេងៗ
តេក្វាន់ដូ ITF ចាប់គូ និងថ្លឹងទម្ងន់រួចហើយ ត្រៀបបើយុទ្ធនាការប្រកួតបន្តិចទៀតនេះ
- 2019-06-10 23:30:00
- ចំនួនមតិ 0 | ចំនួនចែករំលែក 0
តេក្វាន់ដូ ITF ចាប់គូ និងថ្លឹងទម្ងន់រួចហើយ ត្រៀបបើយុទ្ធនាការប្រកួតបន្តិចទៀតនេះ
ចន្លោះមិនឃើញ
សហព័ន្ធតេក្វាន់ដូ ITF កម្ពុជា ចាប់គូ និងថ្លឹងទម្ងន់រួចហើយល្ងាចមិញនេះ ត្រៀមបើកយុទ្ធនាការប្រកួតរកម្ចាស់មេដាយលើវិញ្ញាសានិមួយៗផ្សេងគ្នា នៃព្រឹត្តិការណ៍កីឡាសិស្សថ្នាក់ជាតិលើកទី១ ឆ្នាំ២០១៩ នេះ។
លោក ប៊ួនហ៊ីង សុធីយ៉ា អគ្គលេខាធិការសហព័ន្ធតេក្វាន់ដូ ITF បានឲ្យដឹងថា ល្ងាចម្សិលមិញនេះ បានប្រជុំបច្ចេកទេស ចាប់គូ និងថ្លឹងទម្ងន់ ចាប់ឆ្នោតមែកធាងរួចរាល់ហើយ ចាំតែពេលប្រកួតប៉ុណ្ណោះ។
ប្រធានគណៈកម្មការរៀបចំការប្រកួត ខាងលើនេះបន្ថែមទៀតថា កីឡាករ កីឡាការិនីដែលមកចូលរួមមាន៨រាជធានីខេត្ត សរុប៨១នាក់ នារី៤០ និងបុរស៤១រូប។ ពួកគេនឹងត្រូវប្រកួតលើវិញ្ញាសាទី១មេគុន និងទី២ ប្រយុទ្ធ។
វិញ្ញាសាមេគុនចែកចេញជា៤ប្រភេទ៖ ១ ខ្សែក្រវាត់ក្រោមខ្មៅ នារី - ២ ខ្សែក្រវាត់ក្រោមខ្មៅ បុរស - ៣ ខ្សែក្រវាត់ខ្មៅ នារី ១ដាន់ - ៤ ខ្សែក្រវាត់ខ្មៅ បុរស ១ដាន់ ។
វិញ្ញាសាប្រយុទ្ធ៖ កីឡាការិនី៤ប្រភេទទម្ងន់ និងបុរស ៤ប្រភេទទម្ងន់។
សហព័ន្ធតេក្វាន់ដូ ITF កម្ពុជា នឹងចាប់ផ្ដើមប្រកួតម៉ោង៨ព្រឹកថ្ងៃទី១១ នេះហើយ លើវិញ្ញាសាមេគុន ហើយនៅថ្ងៃទី១២ នឹងធ្វើការប្រកួតជម្រុះវិញ្ញាសាប្រយុទ្ធ។ ចំណែកថ្ងៃចុងក្រោយទី១៣ ខែមិថុនា ២០១៩ ប្រកួតផ្ដាច់ព្រ័ត្រយកមេដាយលើវិញ្ញាសាប្រយុទ្ធ និងចូលរួមពិធីបិទកីឡាសិស្សថ្នាក់ជាតិលើកទី១នេះតែម្ដង៕