- 2019-06-10 04:44:18
- កីឡាផ្សេងៗ
ប្រធានក្រុមសីដក់កម្ពុជា ប្ដេជ្ញាខំប្រឹងប្រកួតឲ្យអស់ពីសមត្ថភាពដើម្បីមុខមាត់ប្រទេសជាតិ
- 2019-06-10 04:44:18
- ចំនួនមតិ 0 | ចំនួនចែករំលែក 0
ប្រធានក្រុមសីដក់កម្ពុជា ប្ដេជ្ញាខំប្រឹងប្រកួតឲ្យអស់ពីសមត្ថភាពដើម្បីមុខមាត់ប្រទេសជាតិ
ចន្លោះមិនឃើញ
តំណាងប្រធានក្រុមសីដក់កម្ពុជា ប្ដេជ្ញានឹងដឹកនាំកូនក្រុមប្រកួតឲ្យបានល្អ នឹងខំប្រឹងប្រែងឲ្យអស់ពីសមត្ថភាពក្នុងការប្រកួតជើងឯកអាស៊ី ដែលធ្វើឡើងនៅឯប្រទេសចិនលើកនេះ ដើម្បីមុខមាត់ប្រទេសជាតិ។
កីឡាករ ហេង រ៉ាវុត តំណាងក្រុមសីដក់ទាំង៥រូបដែលចេញទៅប្រកួតនៅប្រទេសចិន បានឲ្យដឹងថា ដើម្បីជាការតបស្នងទៅដល់ក្រសួង សហព័ន្ធ និងអ្នកឧបត្ថម្ភជាថវិកាសម្រាប់ប្រើប្រាស់នានាក្នុងការប្រកួតលើកនេះ ពួកគេសន្យាថា នឹងខំប្រឹងប្រែងក្នុងការប្រកួតដើម្បីដណ្ដើមជ័យជម្នះជូនកម្ពុជា។ ក្រៅពីនេះ នឹងជួយគ្នាសហការគ្នាឲ្យបានល្អបំផុត ហើយក៏មិនភ្លេចបង្ហាញអត្តសញ្ញាណជាតិខ្មែរ ភាពទន់ភ្លន់ សេចក្ដីថ្លៃថ្នូរជាជាតិខ្មែរ ជាអ្នកកីឡា ដល់អន្តរជាតិបានស្គាល់ផងដែរ។
ចំណែកប្រធានសហព័ន្ធសីដក់កម្ពុជា ឯកឧត្ដម មាស សារិន បានផ្ដែផ្ដាំដែរថា កីឡាករទាំង៥រូបនេះ ត្រូវខំប្រឹងប្រែងប្រកួត ត្រូវចេះថែរក្សាសុខភាពខ្លួនឯងឲ្យបានល្អ មិនត្រូវលេងទូរស័ព្ទ ធ្វើអ្វីឲ្យប៉ះពាល់សុខភាព មិនអាចប្រកួតបានពេញលេញល្អ។ ការប្រកួតនេះគឺតំណាងមុខមាត់ប្រទេសជាតិ ក្រៅពីនេះមានការចូលជ្រោមជ្រែងច្រើនពីសំណាក់សប្បុរសជនមួយចំនួនផងដែរ ដូច្នេះកុំធ្វើឲ្យពួកគាត់ខកបំណង។
រំលឹកដែរថា កីឡាករសីដក់កម្ពុជាចំនួន៥រូប ប្រតិភូ២រូប និងគ្រូ១រូប បានទៅដល់ប្រទេសចិនហើយប៉ុន្មានថ្ងៃមុននេះ។ ដើម្បីចូលរួមប្រកួតកីឡាសីដក់ជ្រើសរើសជើងឯកអាស៊ី ធ្វើឡើងនៅប្រទេសចិន។ ថ្ងៃនេះផងដែរ កីឡាករកម្ពុជា៣រូបនឹងត្រូវប្រកួតលើវិញ្ញាសា ៣ ទល់ ៣ ល្ងាចនេះហើយ៕
