- 2018-10-29 08:52:59
- កីឡាផ្សេងៗ
សហព័ន្ធសូហ្វតេនីសកម្ពុជា៖ ការបញ្ជូនកីឡាករទៅហាត់នៅក្រៅប្រទេសជាការចាំបាច់បំផុត
- 2018-10-29 08:52:59
- ចំនួនមតិ 0 | ចំនួនចែករំលែក 0
សហព័ន្ធសូហ្វតេនីសកម្ពុជា៖ ការបញ្ជូនកីឡាករទៅហាត់នៅក្រៅប្រទេសជាការចាំបាច់បំផុត
ចន្លោះមិនឃើញ
សហព័ន្ធសូហ្វតេនីសកម្ពុជា ថាការបញ្ជូនកីឡាករ កីឡាការិនីចេញទៅហ្វឹកហាត់នៅក្រៅប្រទេសជារឿងសំខាន់ និងធ្វើឲ្យគុណផលកាន់រីកចម្រើនខ្លាំង។
ឯកឧត្ដម ជា ប៊ុនហេង អនុប្រធានសហព័ន្ធសូហ្វតេនីស បានឲ្យដឹងថា មិនថាកីឡាមួយណានោះទេ ការចេញទៅហ្វឹកហាត់ក្រៅប្រទេស ឬការចេញទៅហាត់ជាមួយប្រទេសដែលគេខ្លាំង វាជារឿងល្អមួយសម្រាប់កីឡាករបង្កើនសមត្ថភាពបានលឿន។ មើលឃើញជាក់ស្ដែងហើយ កីឡាករដែលហ្វឹកហាត់នៅក្នុងស្រុកមិនសូវជារីកចម្រើនប៉ុន្មានទេ ព្រោះទាំងសម្ភារ បច្ចេកទេសហ្វឹកហាត់ ច្បាប់វិន័យធូររលុង និងមនោសញ្ចេតនាផងនោះ ធ្វើឲ្យគុណផងមិនសូវជាល្អនោះឡើយ។
កាលណាបានចេញទៅហ្វឹកហាត់ ឬចេញទៅចូលរួមប្រកួតបានច្រើន ធ្វើឲ្យកីឡាករមានសមត្ថភាពរីកចម្រើន ជាពិសេសពេលបានប៉ះអ្នកខ្លាំង បើទោះជាចាញ់យ៉ាងណាក្ដី ប៉ុន្តែធ្វើឲ្យពួកគេខំប្រឹង ការខំប្រឹងនេះឯងធ្វើឲ្យខ្លួនខ្លាំង ហើយបើប្រៀបធៀបលេងជាមួយអ្នកនៅក្នុងស្រុករឹតតែខុសគ្នា។ ការឈ្នះនៅក្នុងស្រុក ឬឈ្នះគ្នាឯងមិនទាន់ប្រាកដថាខ្លួនឯងខ្លាំងនោះឡើយ។ កត្តាទាំងនេះហើយ ដែលសហព័ន្ធរបស់លោក សម្រេចបញ្ជូនយុវជនចំនួន៥នាក់ទៅហ្វឹកហាត់នៅប្រទេសកូរ៉េរយៈពេលកន្លះខែ ជាថ្មីទៀត ដើម្បីត្រៀមចូលរួមក្នុងកម្មវិធីជើងឯកយុវជនឆ្នាំ២០១៨ នាចុងខែវិច្ឆិកាខាងមុខនេះ។ .
បញ្ជាក់ផងដែរថា សហព័ន្ធសូហ្វតេនីសកម្ពុជា បានបញ្ជូនយុវជនចំនួន ៥នាក់ ទៅហ្វឹកហាត់នៅប្រទេសកូរ៉េខាងត្បូង កាលពីម្សិលមិញនេះ រយៈពេលកន្លះខែ។ នាខែវិច្ឆិកា ២០១៨នេះ យុវជនសូហ្វតេនីសកម្ពុជា នឹងចូលរួមប្រកួតប្រជែងពីរកម្មវិធីផ្សេងគ្នាទី១ កូរ៉េខាប់(Korea Cup) និងទី២ ជើងឯកយុវជនពិភពលោក ២០១៨ (World Junior Soft Tennis Campionships 2018 Suncheon Korea) នៅប្រទេសកូរ៉េខាងត្បូង៕