- 2018-09-05 08:49:18
- កីឡាផ្សេងៗ
សូហ្វតេន្នីស បង្ហាញកម្រិតគុណភាពរបស់ខ្លួន ក្រោយចប់ Asian Games
- 2018-09-05 08:49:18
- ចំនួនមតិ 0 | ចំនួនចែករំលែក 0
សូហ្វតេន្នីស បង្ហាញកម្រិតគុណភាពរបស់ខ្លួន ក្រោយចប់ Asian Games
ចន្លោះមិនឃើញ
ក្រុមកីឡាករ-កីឡាការិនីសូហ្វតេន្នីសកម្ពុជាបានបញ្ចប់ភារកិច្ចរបស់ខ្លួនក្នុងព្រឹត្តិការណ៍ Asian Games 2018 នៅប្រទេសឥណ្ឌូណេស៊ីកាលពីពេលថ្មីៗនេះ។
ក្នុងព្រឹត្តិការណ៍ដ៏ធំប្រចាំប្រចាំទ្វីបអាស៊ីខាងលើ សូហ្វតេន្នីសកម្ពុជា បានធ្វើការប្រកួតយ៉ាងស្វិតស្វាញជាមួយប្រទេសផ្សេងៗ រហូតមានឈ្មោះជាកីឡាដែលទទួលស្គាល់ដោយគណៈកម្មាធិការជាតិអូឡាំពិកកម្ពុជាថា ជាកីឡាមានការប្រដំប្រសងគ្នាខ្លាំងនៅ Asian Games ឆ្នាំនេះ។
ក្រោយត្រឡប់មកដល់ទឹកដីកំណើតឯកឧត្ដមជា ប៊ុនហេង អគ្គលេខាធិការនៃសហព័ន្ធសូហ្វតេន្នីសកម្ពុជាបានឲ្យដឹងថា បើទោះមិនបានមេដាយក្នុងព្រឹត្តិការណ៍ខាងលើនេះមែន ប៉ុន្តែកីឡាករ-កីឡាការិនីកម្ពុជាបានបង្ហាញសមត្ថភាពឲ្យប្រទេសខ្លាំងៗខាងវិស័យកីឡានេះមានការស្ងើចសរសើរដល់កម្ពុជាជាខ្លាំង។ ពិសេសនៅពេលកីឡាការិនី ម៉េត ម៉ារីយ៉ាន ប្រកួតសន្សំពិន្ទុលើកទី២ជាមួយម្ចាស់ផ្ទះឥណ្ឌូណេស៊ីពិតជាមានការប្រកួតប្រជែងខ្លាំង ដែលធ្វើឲ្យប្រទេសជប៉ុនក៏សរសើរមកកាន់កម្ពុជាដែរ។
អគ្គលេខាធិការរូបនេះបញ្ជាក់បន្ថែមថា ក្នុងការប្រកួតព្រឹត្តិការណ៍ខាងលើនេះ វាធំហួសកម្រិតសមត្ថភាពដែលកម្ពុជាមានសព្វថ្ងៃ ដូច្នេះការទទួលបានមេដាយមិនអាចធ្វើបានឡើយ។ ប៉ុន្តែចំណាត់ថ្នាក់នៅលើពិភពលោកដែលកម្ពុជាស្ថិតនៅលេខ ៩ នឹងអាចរំកិលខ្លួនឡើងដល់លេខ ៨ សម្រាប់ឆ្នាំ២០១៨ នេះបន្ទាប់ពីកីឡាករ-កីឡាការិនីកម្ពុជាបានបង្ហាញសមត្ថភាពនៅ Asian Games 2018 លើកនេះ។ យ៉ាងណាសម្រាប់ចំណាត់ថ្នាក់នេះប្រសិនបើឆ្នាំ២០១៨ នេះមិនទាន់យកបាន ឆ្នាំក្រោយ លោកនឹងប្រឹងប្រែងបន្ថែមទៀត ដើម្បីលើកកម្ពស់កីឡានេះឲ្យខិតមកលេខ៨ឲ្យបាន។
សម្រាប់កីឡាសូហ្វតេន្នីសនៅ Asian Games ឆ្នាំនេះមានប្រទេសចូលរួមចំនួន ១៤ ហើយក្នុងចំណោម ១៤ ប្រទេសនោះមាន ជប៉ុនដែលស្ថិតនៅលេខរៀងទី១លើពិភពលោកក៏មិនបានមេដាយមាសដែរគឺបានទៅលើប្រទេសកូរ៉េខាងត្បូង៕
