- 2018-08-22 10:12:49
- កីឡាផ្សេងៗ
ស្រីស្អាត លីណា បង្ហាញអារម្មណ៍ពិតរបស់អត្តពលិកអាជីព មើលហើយរំជួលចិត្ត
- 2018-08-22 10:12:49
- ចំនួនមតិ 0 | ចំនួនចែករំលែក 0
ស្រីស្អាត លីណា បង្ហាញអារម្មណ៍ពិតរបស់អត្តពលិកអាជីព មើលហើយរំជួលចិត្ត
ចន្លោះមិនឃើញ
ស្រីស្អាត ឈឿង លីណា កីឡាការិនីជម្រើសជាតិតេក្វាន់ដូ WTF បានបង្ហាញពីអារម្មណ៍ពិតរបស់អត្តពលិក ក្នុងនាមជាកីឡាករ កីឡាកាិនីចេញប្រកួតតំណាងឲ្យជាតិ ដែលតែងរងការរិះគន់នៅពេលលទ្ធផលមិនល្អប្រសើរ។
កីឡាការិនីស្រស់ស្អាតរូបនេះបានសរសេរយ៉ាងដូច្នេះនៅលើគណនី Facebook របស់ខ្លួនថា ៖«នៅពេលខ្ញុំឈ្នះ ខ្ញុំជាកិត្តិយសជាតិ នៅពេលចាញ់ខ្ញុំគ្រាន់តែជាជនបរាជ័យម្នាក់។ សម្ពាធខ្លាំងនៅត្រង់ថា អ្នកគឺជាអត្តពលិកអាជីពម្នាក់តែងធ្លាប់ទទួលបានជោគជ័យ។ សម្រាប់អ្នកបានឈរនៅលើកំពូលវេទិកា អ្នកមានសមិទ្ធផលល្អនៅតាមបណ្ដាប្រទេសអន្តរជាតិ នឹងមានមនុស្សជាច្រើនទទួលស្គាល់ ព្រមទាំងមកជាមួយរាល់ពាក្យអបអរសាទរពីភាគីទាំងអស់»។
លីណាបន្តថា ៖«តែផ្ទុយនឹងភាពជោគជ័យទៅជាភាពបរាជ័យ ដោយលើកហេតុផលផ្ទាល់ខ្លួន ឬហេតុផលនៃគូប្រកួត ដូចជាការរងរបួសមួយចំនួន ដែលអ្នកកំពុងជួបប្រទះ ហេតុផលដែលអ្នកត្រូវបានរងការឈឺចុកចាប់នៅពេលហ្វឹកហាត់ត្រៀមចេញប្រកួត ទាំងអស់នេះ ជនរិះគន់មួយចំនួនមិនយល់ ថែមទាំងជេរប្រមាថមើលស្រាលអ្នកទៅវិញ»។
«ថ្ងៃនេះពួកគេបានបាត់បង់ឱកាសឈ្នះពួកគេបរាជ័យ។ នេះគឺជាអ្វីដែលពួកគេមិនចង់បាន មិនចង់ជួប។ អ្នកណាដែលមិនចង់យកមេដាយជូនជាតិ និងបុគ្គលផ្ទាល់ខ្លួននោះ។ អ្នកណាមិនចង់លើកតម្កើងភាពរុងរឿងរបស់ប្រទេសនោះ តើនរណាម្នាក់ដែលចង់បាត់បង់វា?»។
«ថ្ងៃនេះពួកគេបាត់បង់វា ប៉ុន្តែអ្នកត្រលប់ទៅមើលអ្វី ដែលពួកគេបានធ្វើហើយបង្កើតឈ្មោះសម្រាប់កីឡាកម្ពុជា។ ជំនួសឲ្យការរិះគន់ជេរប្រមាថពួកគេដូច្នេះ ហេតុអ្វីបានជាអ្នកមិនព្យាយាម ដើម្បីលើកទឹកចិត្តពួកគេវិញទៅ។ ឥឡូវនេះពួកគេត្រូវការការលើកទឹកចិត្តមួយចំនួនធំពីប្រជាជននៃប្រទេសរបស់ខ្លួនជាជាងការរិះគន់សម្រាប់ពួកគេ» ៕
