- 2018-08-22 08:03:20
- កីឡាផ្សេងៗ
ស៊ន សៀវម៉ី ទម្លាយមូលហេតុពីរដែលនាំឲ្យចង់សម្រាកពីកីឡាមួយរយៈ
- 2018-08-22 08:03:20
- ចំនួនមតិ 0 | ចំនួនចែករំលែក 0
ស៊ន សៀវម៉ី ទម្លាយមូលហេតុពីរដែលនាំឲ្យចង់សម្រាកពីកីឡាមួយរយៈ
ចន្លោះមិនឃើញ
កីឡាការិនីជម្រើសជាតិកម្ពុជា ស៊ន សៀវម៉ី បានធ្លាក់ចេញពីព្រឹត្តិការណ៍ Asian Games 2018 ត្រឹមវគ្គ៨នាក់ចុងក្រោយកាលពីម្សិលមិញនេះ។
មុនធ្វើការចេញដំណើរទៅប្រទេសឥណ្ឌូណេស៊ី ក្នុងការចូលរួមព្រឹត្តិការណ៍ខាងលើនេះ សៀវម៉ី បានទម្លាយមូលហេតុចំនួន ២ ដែលធ្វើឲ្យកីឡាការិនីរូបនេះចង់សម្រាកពីវិស័យកីឡាតេក្វាន់ដូរយៈពេលយូរ ដែលមិនទាន់កំណត់បានថា នឹងវិលវិញនៅពេលណា។ មូលហេតុទី១ ដែលគ្រោងសម្រាកនោះ ម្ចាស់មេដាយមាសអាស៊ីឆ្នាំ២០១៤ រូបនេះរៀបរាប់យ៉ាងដូច្នេះយ៉ាងដូច្នេះថា « ខ្ញុំដឹងពីខ្លួនរបស់ខ្ញុំបង ថា វាមានបញ្ហាលំបាកអ្វីខ្លះ។ ខ្ញុំមានអារម្មណ៍ថា ខ្លួនរបស់ខ្ញុំឈឺច្រើន ដូច្នេះខ្ញុំគិតថា ត្រូវការសម្រាកមួយរយៈ ហើយក៏មិនប្រាកដថា នឹងចូលលេងកីឡាវិញឬយ៉ាងណានោះដែរ។ សំខាន់គ្មានអ្នកណាដឹងថា ខ្ញុំហាត់ទាំងឈឺឡើយ។ និយាយរួមមានតែខ្ញុំនិងគ្រូខ្ញុំទេ ដែលដឹង» ។
មូលហេតុទី២ សៀវម៉ី និយាយថា « បញ្ញាធំរបស់ខ្ញុំគឺអារម្មណ៍មិនសប្បាយចិត្តបង។ ខ្ញុំគិតថា ខ្ញុំមិនល្អគ្រប់គ្រាន់សម្រាប់បន្តទៅមុខទៀត ព្រោះអីមានអ្នកនៅជុំវិញខ្លួនខ្ញុំ ដែលគេឃើញអ្នកផ្សេងល្អជាងខ្ញុំ។ ចឹងហើយខ្ញុំចង់ឲ្យអ្នកដែលគាត់មើលឃើញអ្នកផ្សេង ដែលល្អជាងខ្ញុំមកជំនួសខ្ញុំ» ។
ក្រៅពីធ្លាប់ឈ្នះមេដាយមាស Asian Games នៅឆ្នាំ២០១៤ ស៊ន សៀវម៉ី ធ្លាប់ឈ្នះមេដាយមាសពីរគ្រឿងពីព្រឹត្តិការណ៍កីឡាស៊ីហ្គេមនៅឆ្នាំ២០១៧ និងឆ្នាំ២០១៣ ហើយក៏ធ្លាប់ឈ្នះមេដាយប្រាក់១គ្រឿងព្រឹត្តិការណ៍កីឡាស៊ីហ្គេមឆ្នាំ២០១១ផងដែរ៕
