- 2018-06-26 06:51:26
- បាល់ទាត់
យុវជនបឹងកេត ម្នាក់ទៀតបានទៅហាត់នៅសាលាបាល់ទាត់ Barcelona
- 2018-06-26 06:51:26
- ចំនួនមតិ 0 | ចំនួនចែករំលែក 0
យុវជនបឹងកេត ម្នាក់ទៀតបានទៅហាត់នៅសាលាបាល់ទាត់ Barcelona
ចន្លោះមិនឃើញ
យុវជនម្នាក់ឈ្មោះថា ប៉ិល សុសីហរាជ ហៅក្រៅថា William បានចូលរួមហ្វឹកហាត់ជាមួយសាលាបង្ហាត់បាល់ទាត់របស់ក្លឹប Barcelona នាប្រទេសសិង្ហបុរី រយៈពេល១សប្ដាហ៍ដោយជោគជ័យ។
បើតាមការបញ្ជាក់របស់ Page Boeungket Academy យុវជនខាងលើនេះបានចូលរួមហ្វឹកហាត់ជាមួយបឹងកេតអស់រយៈពេល៣ឆ្នាំមកហើយ។ រូបគេត្រូវបានគ្រូបង្វឹកថ្នាលយុវជនរបស់បឹងកេត សរសើរថាជាក្មេងមានទេពកោសល្យ និងចេះយល់ដឹងច្រើនជាមួយសមាជិកក្រុម។
អំឡុងការទៅហាត់នៅសាលា Barcelona នាប្រទេសសិង្ហបុរីនេះដែរ William ត្រូវបានគ្រូបង្ហាត់នៅទីនោះពេញចិត្តសមត្ថភាព ហើយជ្រើសរើសទៅប្រកួតក្នុងពានរង្វាន់ FCBEscola China Tournament នៅទីក្រុង Qingdao ប្រទេសចិនថែមទៀតផង។
នេះជាយុវជនថ្នាលទី២ហើយរបស់បឹងកេត ដែលមានឱកាសបានទៅហ្វឹកហាត់ជាមួយសាលាសាខាក្លឹប FC Barcelona នៅសិង្ហបុរី។ ដោយយុវជនដំបូងដែលបានទៅនោះ ឈ្មោះថា Kasidef Vasunan កូនកាត់ខ្មែរ-ថៃ (ម្ដាយខ្មែរ-ឪពុកថៃ) ដែលឪពុកម្ដាយរបស់គេបច្ចុប្បន្ននេះ ជាម្ចាស់ក្លឹបបឹងកេតផ្ទាល់តែម្ដង៕
