- 2018-06-15 02:08:09
- កីឡាផ្សេងៗ
ក្រុមកូរ៉េ Kongdoo ដែលមានកីឡាករខ្មែរឡើងវគ្គ១៦ក្រុម Dota2 ទ្វីបអាស៊ី
- 2018-06-15 02:08:09
- ចំនួនមតិ 0 | ចំនួនចែករំលែក 0
ក្រុមកូរ៉េ Kongdoo ដែលមានកីឡាករខ្មែរឡើងវគ្គ១៦ក្រុម Dota2 ទ្វីបអាស៊ី
ចន្លោះមិនឃើញ
ក្រុមកីឡាអេឡិចត្រូនិក Kongdoo របស់ប្រទេសកូរ៉េដែលមានកីឡាករកម្ពុជាប្រកបអាជីពនោះទីនោះបានឡើងដល់វគ្គ១៦ចុងក្រោយនៃព្រឹត្តិការណ៍ជម្រុះ Dota2 International 2018 Open Qualifier #1 SEA ។
កីឡាករ អ៊ូ ម៉េង (N07) បានប្រាប់ពីប្រទេសកូរ៉េខាងត្បូងថា ថ្ងៃសុក្រ ទី១៥ ខែមិថុនា ឆ្នាំ២០១៨នេះ Kongdoo ត្រូវប្រកួតវគ្គ១៦ក្រុមចុងក្រោយ បន្ទាប់ពីទទួលបានជ័យជម្នះក្នុងការប្រកួតវគ្គបន្តបន្ទាប់មក។ ការប្រកួតជម្រុះទ្វីបអាស៊ី Dota2 International 2018 OPEN QUALIFIER #1 – SEA ថ្ងៃនេះដើម្បីរកផ្លូវឆ្ពោះទៅវគ្គ៨ក្រុមចុងក្រោយទៀត។
កីឡាករ អ៊ូ ម៉េង ជាកីឡាករអេឡិចត្រូនិកខ្មែរទីមួយដែលត្រូវបានក្រុមហ៊ុន E-Sports របស់កូរ៉េឈ្មោះ KongDoo Company យកទៅដោយចុះកុងត្រារយៈពេលមួយឆ្នាំ។ ការចុះកុងត្រារយៈពេលមួយឆ្នាំនេះ រូបគេទទួលបានប្រាក់ខែដំបូងជាង១ពាន់ដុល្លារក្នុង១ខែ កន្លែងស្នាក់នៅ មានគ្រូបង្ហាត់ និងអាហារ ព្រមទាំងមានប្រាក់លើកទឹកចិត្តពេលឈ្នះការប្រកួតផ្សេងៗ។ ប្រាក់ខែនឹងកើនបន្តបន្ទាប់ទៀត។
កីឡាករខ្មែរម្នាក់នេះជាសមាជិកIntelligent Quotient (IQ) ដែលជាក្រុមជើងឯកលើវិញ្ញាសា Dota 2 ពីព្រឹត្តិការណ៍ប្រកួតកីឡាអេឡិចត្រូនិកថ្នាក់ជាតិឆ្នំា២០១៧ (Tournament NET 2017)។ រូបគេបានទៅប្រទេសកូរ៉េខាងត្បូងកាលពីទី១៧ ខែឧសភា ឆ្នាំ២០១៨កន្លងទីនេះ៕