- 2019-10-09 04:40:57
- កីឡាផ្សេងៗ
រួសរាន់ឡើងអ្នកចង់ប្រកួតប្រជែង Logo Mascot 2023 បានប្រាក់រង្វាន់រហូត ៥០០០ដុល្លារ
- 2019-10-09 04:40:57
- ចំនួនមតិ 0 | ចំនួនចែករំលែក 0
រួសរាន់ឡើងអ្នកចង់ប្រកួតប្រជែង Logo Mascot 2023 បានប្រាក់រង្វាន់រហូត ៥០០០ដុល្លារ
ចន្លោះមិនឃើញ
ការប្រកួតប្រជែង Logo Mascot 2023 នៅមិនទាន់បញ្ចប់នោះទេ សម្រាប់អ្នកដែលមានជំនាញខាង Disign ហើយចង់ប្រកួតប្រជែងនោះអាចដាក់រូបភាពរបស់ខ្លួនបាន ខណៈប្រាក់រង្វាន់ម្ចាស់ជយលាភីបានរហូត ៥០០០ដុល្លារ។
ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាទទួលបន្ទុកនាយបេសកកម្មស៊ីហ្គេម បានឲ្យដឹងថា ចំនួនអ្នកដែលបានផ្ញើរូបមកប្រកួតប្រជែងបានប្រហែល១០នាក់មកហើយ។ ចំពោះអ្នកដែលចង់ប្រកួត Logo Mascot 2023 ឬក្រុមហ៊ុនដែលមានជំនាញខាងគូរូបនេះអាចរួសរាន់ផ្ញើមក ព្រោះវាកៀកនិងពេលដែលប្រកាសលទ្ធផលចុងឆ្នាំ ២០១៩នេះហើយ។
អ្នកជំនាញខាងកីឡារូបនេះបន្ថែមទៀតថា ប្រាក់រង្វាន់នេះគ្រាន់តែជាផ្នែកមួយប៉ុណ្ណោះ អ្វីដែលទទួលបានជាងនេះទៅទៀតនោះ គឺកិត្តិយសមហាសាលក្នុងព្រឹត្តិការណ៍ស៊ីហ្គេម ២០២៣ ខាងមុខនេះ។
បញ្ជាក់ដែរថា ចំពោះអ្នកដែលចង់ដាក់ស្នាដៃរបស់ខ្លួនប្រកួតប្រជែងគឺអាចដាក់បាននៅឯលេខាធិការដ្ឋាន CAMSOC នៅក្នុងអគារគណៈកម្មាធិការជាតិអូឡាំពិកកម្ពុជាឲ្យបានមុនថ្ងៃទី៣០ ខែវិច្ឆិកា ឆ្នាំ២០១៩៕
