- 2019-10-07 23:00:00
- កីឡាផ្សេងៗ
សហព័ន្ធវ៉ូវីណាម បើកវគ្គខ្លីបណ្ដុះបណ្ដាលចៅក្រម អាជ្ញាកណ្ដាល ត្រៀមការប្រកួតធំៗខាងមុខ
- 2019-10-07 23:00:00
- ចំនួនមតិ 0 | ចំនួនចែករំលែក 0
សហព័ន្ធវ៉ូវីណាម បើកវគ្គខ្លីបណ្ដុះបណ្ដាលចៅក្រម អាជ្ញាកណ្ដាល ត្រៀមការប្រកួតធំៗខាងមុខ
ចន្លោះមិនឃើញ
សហព័ន្ធកីឡាវ៉ូវីណាមកម្ពុជា បើកវគ្គបណ្ដុះបណ្ដាលចៅក្រម អាជ្ញាកណ្ដាល ចំនួន៥ថ្ងៃចាប់ពីថ្ងៃម្សិលមិញនេះ ដើម្បីពង្រឹងសមត្ថភាពសិក្ខាកាមឲ្យរឹតតែល្អ ដើម្បីត្រៀមការប្រកួតជ្រើសរើសជើងឯកថ្នាក់ជាតិ កម្រិតអាស៊ី និងកម្មវិធីធំៗផ្សេងទៀត។
លោក កែវ ហុកលី អគ្គលេខាធិការសហព័ន្ធខាងលើនេះបានលើកឡើងថា ម្សិលមិញនេះសហព័ន្ធបានបើកវគ្គបណ្ដុះបណ្ដាលចៅក្រម អាជ្ញាកណ្ដាល ដោយមានការឧបត្ថម្ភទាំងស្រុកពីក្រសួងអប់រំ យុវជន និងកីឡា រួមទាំងបានការណែនាំពីគណៈកម្មាធិការជាតិអូឡាំពិកកម្ពុជាផងដែរ។
អគ្គលេខាធិការខាងរូបនេះ សង្ឃឹមថាកីឡាករ កីឡាការិនី សិក្ខាកាមចូលរួមទាំងអស់នឹងខិតខំប្រឹងប្រែង សិក្សាស្វែងយល់ យកចិត្តទុកដាក់អំឡុងពេលរៀនសូត្រនេះ ដើម្បីក្របយកចំណេះដឹងទាំងអស់នេះទៅអនុវត្តន៍ឲ្យបានល្អពេលជាក់ស្ដែង ឬពេលបង្ហាត់បង្រៀនសិស្សរបស់ខ្លួន។
រំលឹកដែរថា សហព័ន្ធកីឡាវ៉ូវីណាម បើកវគ្គបណ្ដុះបណ្ដាលចៅក្រម អាជ្ញាកណ្ដាល នេះធ្វើឡើងរយៈពេល៥ថ្ងៃគឺចាប់ពីថ្ងៃទី៧ ខែតុលា ឆ្នាំ២០១៩ នៅវិមានក្នុងពហុកីឡដ្ឋានជាតិ។ សិក្ខាកាមចូលរួមសរុប៣០នាក់ ក្នុងនោះមកពីខេត្តចំនួន១៦នាក់ ក្រៅពីនោះមកពីបណ្ដាក្លឹបនានា។ វគ្គសិក្សានេះបានគ្រូឧបទេស២រូបមកពីសហព័ន្ធវ៉ូវីណាមពិភពលោក៕