- 2019-08-23 02:15:00
- កីឡាផ្សេងៗ
ប្រធានតេក្វាន់ដូ ITF កម្ពុជា៖ ក្បាច់គុនគ្រូៗបង្រៀនអស់ហើយ នៅសល់តែខ្លួនឯងយកទៅបំបែកទេ
- 2019-08-23 02:15:00
- ចំនួនមតិ 0 | ចំនួនចែករំលែក 0
ប្រធានតេក្វាន់ដូ ITF កម្ពុជា៖ ក្បាច់គុនគ្រូៗបង្រៀនអស់ហើយ នៅសល់តែខ្លួនឯងយកទៅបំបែកទេ
ចន្លោះមិនឃើញ
ឯកឧត្ដម កែវ រ៉េមី ប្រធានសហព័ន្ធតេក្វាន់ដូ ITF កម្ពុជា ថាចំពោះក្បាច់គុន ឬស្នៀតផ្សេងៗគឺគ្រូបានបង្រៀនអស់ហើយ ដូច្នេះនៅសល់តែសិស្សខ្លួនឯងទេយកទៅប្រយុទ្ធ និងបំបែកពេលប្រកួតជាក់ស្ដែងប៉ុណ្ណោះ។
ប្រធានសហព័ន្ធខាងលើនេះ បានឲ្យដឹងថា ចំពោះវិញ្ញាសាប្រយុទ្ធតាមដែលមើលជាក់ស្ដែងពីការហ្វឹកហាត់របស់កីឡាករ កីឡាការិនីកន្លងមកនេះ គឺអាចសង្ឃឹមត្រឹម ៧០% ព្រោះនៅមើលឃើញចំណុចខ្លះមិនទាន់បានល្អខ្លាំងនៅឡើយទេ។ ចំណុចដែលនៅមិនសូវបានល្អនោះទាក់ទងទៅល្បឿនរបស់ពួកគេរៀងយឺតបន្តិច ចំណែកបច្ចេកទេសក៏ដោយដូចជាស្នៀតនិមួយៗ គឺគ្រូបានបង្ហាត់បង្រៀនអស់ហើយ។
ទោះជាបែបនេះក្ដី អតីតសិស្សគុនតេក្វាន់ដូមកពី អាមេរិក រូបនេះ នឹងជួយប្រាប់ ឬបន្ថែមខាងផ្នែកស្មារតី រួមនិងតិចនិក បច្ចេកទេសមួយចំនួនទៀត ដល់អត្តពលិកក្មេងៗរបស់កម្ពុជាទាំង១៧នាក់ដែលត្រូវប្រជែងមេដាយកម្រិតពិភពលោកនៅប្រទេសប៊ុលហ្គាលរី នេះថែមទៀត។ សម្រាប់តិចនិកទាំងនោះ ឯកឧត្ដមបង្ហើបប្រាប់ថា ការតាំងចិត្តក្នុងការប្រកួតឲ្យបានល្អ ចេះឆក់យកឱកាសដើម្បីឈ្នះ ចេះមើលពីចំណុចខ្លាំង និងចំណុចខ្សោយរបស់ដៃគូ រួមទាំងផ្នែកសំខាន់ៗមួយចំនួនទៀតផងដែរ។
រំលឹកដែរថា កីឡាករ កីឡាការិនីតេក្វាន់ដូ ITF កម្ពុជា និងប្រតិភូ គ្រូបង្វឹកសរុបទាំងអស់ ២៣រួប បានចេញពីកម្ពុជាកាលពីម្សិលមិញនេះហើយ ដើម្បីទៅចូលរួមការប្រកួតជ្រើសរើសជើងឯកតេក្វាន់ដូ លើកទី២១ នៅឯប្រទេសប៊ុលហ្គារី នាថ្ងៃទី២៤ ដល់ ៣០ សីហា ២០១៩៕
