ពានTOYOTA Junior Cambodia Cup 2017 វគ្គ ១២ ក្រុមចាប់ពូលរួចរាល់

2017-12-04 07:31:05
បាល់ទាត់

2017-12-04 07:31:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតវគ្គ ១២ ក្រុមនៃពានរង្វាន់ TOYOTA Junior Cambodia Cup 2017 ត្រូវបានបែងចេកពូលកាលពីព្រឹកមិញនេះ ហើយវគ្គនេះ នឹងធ្វើការប្រកួតនៅថ្ងៃទី១៣ ខែវិច្ឆិកា ឆ្នាំ២០១៧ នាពេលព្រឹក នៅពហុកីឡដ្ឋានជាតិ។

បើតាមសម្ដីក្រុមការងាររៀបចំកម្មវិធីប្រកួតខាងលើបានឲ្យដឹងថា កម្មវិធីនេះធ្វើឡើងក្នុងគោលបំណង ដើម្បីបង្កើតភាពសប្បាយរីករាយដល់កុមារកម្ពុជា។ អ្វីដែលពិសេសក្មេងៗ ដែលឈ្នះជើងឯកទទួលបានឱកាសកាន់ដៃកីឡាករដើរចូលទីលានក្នុងការប្រកួត Toyota Mekong Club Championship 2017 នៅពហុកីឡដ្ឋានជាតិ រវាងក្រុមបឹងកេត និងក្រុមមកពីវៀតណាមទៀតផង។

ក្រុមដែលចូលរួមមកពីសាលារដ្ឋ ក្រុមការងាររៀបចំកម្មវិធីនេះ ទទួលខុសត្រូវលើការចំណាយផ្សេងៗ ដូចជាការធ្វើដំណើរ អាហារថ្ងៃត្រង់ និងមានចែកខោអាវប្រកួតជាដើម។ សម្រាប់លក្ខខ័ណ្ឌនៃការប្រកួតគឺធ្វើការប្រកួតវិលជុំសន្សំពិន្ទុក្នុងពូល ដោយក្រុមទាំង ១២ បែងចែកជាពីរពូលមួយពូលមាន ៦ ក្រុម។

បន្ទាប់ពីធ្វើការប្រកួតសន្សំពិន្ទុតាមពូលរួចរាល់ ក្រុមលេខ ១ មកពីពូល A ប៉ះក្រុមលេខ ១ មកពីពូល B ដើម្បីដណ្ដើមជើងឯក ស្របពេលក្រុមលេខ ២ មកពីពូល A ប៉ះលេខ ២ មកពីពូល B ដណ្ដើមលេខ២ ខណៈក្រុមលេខ ៣ មកពីពូល A ប៉ះក្រុមលេខ ៣ មកពីពូល B ដណ្ដើមលេខ ៣ និងក្រុមលេខ ៤ មកពីពូល A ជួបក្រុមលេខ ៤ មកពីពូល B ដើម្បីដណ្ដើមលេខ៤។