- 2017-07-10 04:06:08
- បាល់ទាត់
៣៥ក្រុម ចូលរួមប្រកួតពានរង្វាន់ស្វាយរៀង លើកទី៣
- 2017-07-10 04:06:08
- ចំនួនមតិ 0 | ចំនួនចែករំលែក 0
៣៥ក្រុម ចូលរួមប្រកួតពានរង្វាន់ស្វាយរៀង លើកទី៣
ចន្លោះមិនឃើញ
ពានរង្វាន់បាល់ទាត់ស្វាយរៀង ខាប់ លើកទី៣ ឆ្នាំ២០១៧ បានទទួលក្រុមបាល់ទាត់មិនអាជីព៣៥ក្រុម មកពីស្រុក-ក្រុងទាំង៨នៃខេត្តស្វាយរៀង។ ចំនួននេះប្រៀបធៀបនឹងឆ្នាំ២០១៦ដែលមានមានត្រឹមតែ២៩។
ចំពោះលក្ខណចូលរួម គណៈកម្មការរៀបចំការប្រកួតផ្តល់សិទ្ធិឲ្យកីឡាករ ក្រៅពីខេត្តស្វាយរៀង៣នាក់ប៉ុណ្ណោះ។ ក្រៅពីនោះសុទ្ធជាកីឡាករ មានស្រុកកំណើត និងរស់នៅខេត្តស្វាយរៀងទាំងអស់។ ក្នុងកិច្ចប្រជុំបច្ចេកទេស និងចាប់ពូលកាលពីថ្ងៃសៅរ៍ទី៨ ខែកក្កដា ឆ្នាំ២០១៧ គណៈកម្មការរៀបចំការប្រកួតបានពិភាក្សា និងទទួលមតិយោបល់ សំណូមពរពីក្រុមបាល់ទាត់ទាំងអស់ ដើម្បីកែសម្រួលចំណុចបទបញ្ជាបច្ចេកទេសមួយចំនួន ដែលក្រុមនីមួយៗចូលរួមស្នើសុំ ក្នុងន័យបំពេញតម្រូវការជារួម។
រូបមន្តក្នុងការចាប់ពូល ដោយមានក្រុមបាល់ទាត់ដល់ទៅ៣៥ក្រុម គណៈកម្មការរៀបចំការប្រកួតបាន បែងចែកជា៨ពូល ដោយពូលក ខ គ ឃ និងងមាន៤ក្រុម ខណៈពូល ច ឆ និងជមាន៥ក្រុម។ ចំពោះដំណើរការប្រកួតនឹងចាប់ផ្តើមប្រកួតនៅសប្ដាហ៍បន្ទាប់។ ក្រោមពីធ្វើការចាប់ឆ្នោតបែងចែកពូលរួចបានលទ្ធផលដូចខាងក្រោម៖
ពានរង្វាន់ស្វាយរៀងខាប់ ត្រូវបានបង្កើតឡើង នៅឆ្នាំ២០១៥ ដោយសហភាពសហព័ន្ធយុវជនកម្ពុជា ខេត្តស្វាយរៀង ដែលមានឯកឧត្តម ឌី វិជ្ជា ជាប្រធាន។ ការគាំទ្រពីប្រជាពលរដ្ឋ និងកីឡាករ យ៉ាងច្រើនទើបស្ថាប័នមួយនេះជំរុញឲ្យមានការប្រកួតរៀងរាល់ឆ្នាំ ដើម្បីលើកស្ទួយវិស័យកីឡា ក៏ដូចជាជំរុញឲ្យប្រជាពលរដ្ឋ និងយុវជន យកពេលទំនេរ មកលេងកីឡា។ ការប្រកួតនឹងធ្វើរាល់ថ្ងៃសៅរ៍-អាទិត្យ និងថ្ងៃឈប់សម្រាក៕
