- 2017-06-05 04:06:59
- បាល់ទាត់
អ្នកចាំទី សូលទីឡូ សង្ឃឹមអាចល្បីដូច Idol របស់ខ្លួន អ៊ុំ សេរីរ័ត្ន
- 2017-06-05 04:06:59
- ចំនួនមតិ 0 | ចំនួនចែករំលែក 0
អ្នកចាំទី សូលទីឡូ សង្ឃឹមអាចល្បីដូច Idol របស់ខ្លួន អ៊ុំ សេរីរ័ត្ន
ចន្លោះមិនឃើញ
អ្នកចាំទីរបស់ក្រុម សូលទីឡូអង្គរ សុខ វីរៈ សង្ឃឹមថាពេលដ៏ខ្លីខាងមុខនេះរូបគេ នឹងអាចមានឈ្មោះបោះសំឡេងក្នុងវិស័យបាល់ទាត់ដូចជានិមិត្តរូប (Idol) របស់ខ្លួន អ៊ុំ សេរីរ័ត្ន។
អ្នកចាំទីរបស់ក្រុមសៀមរាបរួបនេះមានការតាំងចិត្តថា នឹងធ្វើយ៉ាងណាព្យាយាមបង្ហាញសមត្ថភាពឲ្យបានល្អនៅលើទីលាន។ រូបគេបានជ្រើសរើសយកកីឡាករ អ៊ុំ សេរីរ័ត្ន ជានិមិត្តរូបរបស់ខ្លួន ព្រមទាំងសង្ឃឹមថា នាពេលដ៏ខ្លីខាងមុខនេះ នឹងអាចបានល្បីឈ្មោះក្នុងនាមជាអ្នកចាំទីល្អមួយរូបក្នុងវិស័យបាល់ទាត់កម្ពុជា។
កីឡាករមានស្រុកកំណើតមកពីខេត្តកំពង់ធំរូបនេះបញ្ជាក់ថា កត្តាសម្រេចជ្រើសរើសយក អ៊ុំ សេរីរ័ត្ន ជានិមិត្តរូប ពីព្រោះអ្នកចាំទីជម្រើសជាតិកម្ពុជារូបនេះមានចំណុចល្អជាច្រើន ដែលធ្វើឲ្យគេពេញចិត្តពិសេសគឺការចាប់បាល់ និងអត្តចរិតស្លូតបូត។ ចំណែកកង្វះខាតដែលត្រូវហ្វឹកហាត់បន្ថែម ដើម្បីអាចល្អដូច Idol របស់ខ្លួនគឺ ការហក់ចាប់បាល់លើ និងការសង្គ្រោះបាល់ជាដើម។
សុខ វីរៈ ជាកីឡាករមួយរូបធ្លាប់មានបទពិសោធជាអ្នកចាំទីចំនួន ៥ឆ្នាំមកហើយ ដោយលេងនៅតាមបណ្ដាខេត្ត និងចាប់ឲ្យជម្រើសខេត្តកំពង់ធំជាដើម៕
