- 2017-01-15 03:34:09
- បាល់ទាត់
Chelsea លត់ម្ចាស់ជើងឯកឆ្នាំចាស់ ៣-០ ទោះគ្មានតារាស៊ុត Costa
- 2017-01-15 03:34:09
- ចំនួនមតិ 0 | ចំនួនចែករំលែក 0
Chelsea លត់ម្ចាស់ជើងឯកឆ្នាំចាស់ ៣-០ ទោះគ្មានតារាស៊ុត Costa
ចន្លោះមិនឃើញ
ក្រុមតោខៀវ Chelsea ដែលកំពុងឈរនៅលើកំពូលតារាង Premier League បានស្រង់ដើមរក ៣ពិន្ទុពីម្ចាស់ជើងឯកឆ្នាំចាស់ Leicester City បើទោះបីគ្មានវត្តមានកំពូលខ្សែប្រយុទ្ធជើងស៊ុត Diego Costa ក៏ដោយ។
៣គ្រាប់របស់ក្រុមភ្ញៀវ Chelsea រកបានដោយកីឡាករសញ្ជាតិអេស្ប៉ាញ Marcos Alonso ២គ្រាប់ម្នាក់ឯងនៅនាទីទី៦ និង៥១។ ឯមួយគ្រាប់ទៀត ជាការតែតបញ្ចូលទីស្រាលៗ ដោយកីឡាកររួមសញ្ជាតិ Pedro Rodriguez នៅនាទីទី៧១។ ចប់ការប្រកួតនេះ Chelsea មាន ៥២ពិន្ទុ លើសក្រុមលេខ២ Tottenham Hotspur ៧ពិន្ទុ។
ការប្រកួតសប្ដាហ៍ទី២១ លើទឹកដី Leicester City កាលពីយប់មិញនេះ ពុំមានវត្តមានកីឡាករមុខចាស់ Diego Costa ឡើយ ដោយសាររូបគេបញ្ជាក់ថាមានបញ្ហាសុខភាព ខណៈដែលលោក Antonio Conte ខឹងសម្បារយ៉ាងខ្លាំង និងរុញឲ្យខ្សែប្រយុទ្ធរូបនេះចាកចេញទៅលេងនៅចិនទៀតផង៕
