- 2017-01-18 23:01:00
- បាល់ទាត់
ទេព ឡុងរចនា សរសើរកីឡាករចំណូលថ្មី Leandro Duarte
- 2017-01-18 23:01:00
- ចំនួនមតិ 0 | ចំនួនចែករំលែក 0
ទេព ឡុងរចនា សរសើរកីឡាករចំណូលថ្មី Leandro Duarte
ចន្លោះមិនឃើញ
កីឡាករចំណូលថ្មីមកពីប្រទេសប្រេស៊ីល Leandro Duarte ទើបលេងឲ្យក្រុមបាល់ទាត់ក្រសួងការពារជាតិបានពីរបីប្រកួតប៉ុណ្ណោះ ប៉ុន្តែទទួលបានការសរសើពីគ្រូបង្វឹកក្រសួងការពារជាតិលោក ទេព ឡុងរចនា។
លោក ទេព ឡុងរចនា បាននិយាយថា កីឡាករប្រេស៊ីល Duarte លេងបាលល្អ។ គេមិននៅស្ងៀមមួយកន្លែងនោះទេ គឺរត់ចុះ-ឡើងពោលគឺធ្វើចលនាបានល្អណាស់។ រូបគេមិននៅរង់ចាំបាល់មកដល់ខ្លួននោះទេ ប៉ុន្តែគេតែងតែព្យាយាមរត់ទៅដណ្ដើមបាល់ពីដៃគូហើយចេះរត់ចុះមកជួយគ្នានៅផ្នែកខាងក្រោមទៀតផង។
គ្រូជួយឲ្យទ័ពជាប់លេខ២ ពានរង្វាន់លីគកំពូលកម្ពុជាឆ្នាំ ២០១៦ នេះបន្តទៀតថា ត្បិតតែកីឡាករចំណូលថ្មីនេះធ្វើចលនាល្អមែន ប៉ុន្តែក៏នៅមានចំណុចខ្វះខាតមួយចំនួនដែលត្រូវបំពេញបន្ថែមទៀតដែរ គឺបច្ចេកទេស និងតិចនិកនៃការលេងរបស់គេ។ ចំណុចខ្វះខាតទាំងនេះនឹងល្អប្រសើរនៅពេលដែលគេខំប្រឹងហ្វឹកហាត់ និងយល់ចិត្តគ្នាជាមួយកីឡាករក្នុងក្រុមដទៃទៀត។
បើគិតមកដល់ពេលនេះក្រុមបាល់ទាត់ៗធំរបស់កម្ពុជា កំពុងមមាញឹក និងការប្រកួតមិត្តភាពផ្សេងៗ ដើម្បីពង្រឹងសមត្ថភាពក្រុមក៏ដូចជាកីឡាករថ្មីៗ ដែលទើបនាំយកមកជួយក្លឹប។ ជាក់ស្ដែងដូចជាក្រុមបាល់ទាត់ក្រសួងការពារជាតិជាដើម ២ប្រកួតចុងក្រោយ ទ័ព ៣-១ Melaka, ទ័ព ០-០ Negeri Sembilan FA ៕
