- 2017-01-06 02:56:49
- បាល់ទាត់
ទេព ឡុងរចនា សរសើរឆន្ទៈលេងរបស់ Melaka Uited
- 2017-01-06 02:56:49
- ចំនួនមតិ 0 | ចំនួនចែករំលែក 0
ទេព ឡុងរចនា សរសើរឆន្ទៈលេងរបស់ Melaka Uited
ចន្លោះមិនឃើញ
បើទោះជាក្រុមទ័ពយកឈ្នះលើភ្ញៀវ ៣-១ កាលពីល្ងាចម្សិលមិញនេះក៏ដោយ តែលោកគ្រូបង្គោល ទេព ឡុងរចនា បានសរសើរពីឆន្ទៈរបស់ក្លឹបមកពីប្រទេស ម៉ាឡេស៊ី មួយនេះពិតជាលេងអស់ពីសមត្ថភាព។
បន្ទាប់ពីបញ្ចប់ការប្រកួតមិត្តភាពរួចគ្រូបង្វឹកក្រុមបាល់ទាត់ក្រសួងការពារជាតិបានឲ្យដឹងថា លោកសូមសរសើរកីឡាករក្រុមបាល់ទាត់ Melaka Uited ដែលមានការខំប្រឹងប្រែងលេងដោយអស់ពីសមត្ថភាពមិនបានគិតថានេះជាជំនួបមិត្តភាពហើយលេងឲ្យតែរួចនោះទេ។ ការលេងបែបនេះវាធ្វើឲ្យក្រុមទាំងពីរបានដឹងពីចំណុចខ្សោយនិងចំណុចខ្លាំងរបស់ក្រុមរៀងៗខ្លួន។
គ្រូដែលដឹងនាំក្រុមទ័ពបានលេខ២ រដូវការមុននេះបន្ថែមទៀតថាក្រុមបាល់ទាត់ដូច Melaka Uited នេះហើយដែលលោកចង់ជួបប្រកួតបំផុត ព្រោះវានិងផ្ដល់ភាពរីកចម្រើនដល់ក្រុម។ ចំពោះបច្ចេកទេសលេងរបស់ក្រុមមកពី ម៉ាឡេស៊ី នេះមិនហួសគ្នានិងក្រុមរបស់លោកនោះទេ។ ម្ចាស់ពានគ្រូបង្វឹកល្អនៅរដូវការមុនរូបនេះបានសម្ដែងការសប្បាយចិត្តដែលក្រុមឈ្នះក្នុងជំនួបមិត្តភាពនេះ ណាមួយដោយមុនបើកពានរង្វាន់លីគកំពូលរបស់កម្ពុជាឆ្នាំ ២០១៧ មានរយៈពេលវែងទើបធ្វើឲ្យក្រុមរបស់លោកមានឱកាសបង្កើតកម្មវិធីប្រកួតមិត្តភាពអន្តរជាតិដូចនេះ។
ក្រៅពីប្រកួតមិត្តភាពអន្តរជាតិ ក្រុមទ័ពក៏បានប្រកួតមិត្តភាពជាមួយក្រុមក្នុងស្រុកជាច្រើនប្រកួតផងដែលនាពេលកន្លងមក ដើម្បីត្រៀមខ្លួនប្រជែងយកពានរង្វាន់លីគកំពូលរបស់កម្ពុជាដែលនឹងត្រូវចាប់ផ្ដើមឡើងនៅថ្ងៃទី១៨ ខែកុម្ភៈ ខាងមុខនេះ៕
