- 2016-12-21 07:56:39
- បាល់ទាត់
Messi J របស់ថៃទៅលេងឲ្យក្លឹបលីគកំពូលជប៉ុន
- 2016-12-21 07:56:39
- ចំនួនមតិ 0 | ចំនួនចែករំលែក 0
Messi J របស់ថៃទៅលេងឲ្យក្លឹបលីគកំពូលជប៉ុន
ចន្លោះមិនឃើញ
Chanathip Songkrasin បានសម្រេចទៅលេងឲ្យក្លឹប Condadole Sapporo នៃក្របខ័ណ្ឌលីគកំពូលរបស់ជប៉ុនក្នុងលក្ខខណ្ឌខ្ចីជើង ១ឆ្នាំកន្លះ។
ការសម្រេចចិត្តធ្វើឡើងក្រោយពេលកីឡាករមាឌល្អិតរហស្សនាម Messi J ឈ្នះពាន AFF Suzuki Cup ជាលើកទី២ជាមួយក្រុមជម្រើសជាតិថៃកាលពីពេលថ្មីៗ។ នេះគ្រាន់ជាការចុះកុងត្រាទុកមុនប៉ុណ្ណោះព្រោះមែនទែនទៅ Chanathip ត្រូវលេងជាមួយ Muangthong ពាក់កណ្ដាលរដូវកាលសិន មានន័យថា រូបគេនឹងលេងពាន AFC Champion League ជើងទី១ឲ្យក្លឹបជើងឯករបស់ថៃ ហើយនៅខែកក្កដាឆ្នាំក្រោយទើបទៅជប៉ុន។
ខ្សែបម្រើវ័យ២៣ឆ្នាំនឹងបង្ហាញមុខជាមួយក្លឹបជប៉ុនថ្ងៃទី១០ ខែមករា រួចត្រឡប់មកប្រទេសថៃវិញ។ តម្លៃនៃការខ្ចីជើងមិនត្រូវក្លឹបទាំង២ទម្លាយឲ្យដឹងទេ តែបើតាមឪពុក Chanathip ឲ្យដឹងថាវាមានតម្លៃប្រមាណ ១៨លានបាត ឬ៥សែនដុល្លារអាមេរិក ហើយពេលចប់កុងត្រាខ្ចីនៅឆ្នាំ ២០១៨ ក្លឹប Condadole Sapporo មានសិទ្ធទិញផ្ដាច់បាន បើសិនពួកគេពេញចិត្ត៕
