- 2016-09-27 13:09:58
- បាល់ទាត់
ច្បាស់ហើយ! Cam-Tiger នឹងប្រើកីឡដ្ឋានខេត្តសៀមរាបសម្រាប់លីគ២០១៧
- 2016-09-27 13:09:58
- ចំនួនមតិ 0 | ចំនួនចែករំលែក 0
ច្បាស់ហើយ! Cam-Tiger នឹងប្រើកីឡដ្ឋានខេត្តសៀមរាបសម្រាប់លីគ២០១៧
ចន្លោះមិនឃើញ
ក្លឹបបាល់ទាត់ Cambodian Tiger នឹងប្រើកីឡដ្ឋានខេត្តសៀមរាបជាទីលានផ្ទាល់ខ្លួន សម្រាប់ចូលរួមលេងលីគកំពូលកម្ពុជាឆ្នាំ២០១៧។
ប្រភពពីកញ្ញា សុខ មួយ លេខាធិការក្លឹប Cam-Tiger បានឲ្យដឹងថា ក្លឹបដែលមានជនជាតិជប៉ុនជាអ្នកគ្រប់គ្រង Cambodian Tiger នឹងប្រើកីឡដ្ឋានខេត្តសៀមរាប១០០% ដើម្បីធ្វើជាម្ចាស់ផ្ទះនៃការប្រកួតលីគបាល់ទាត់កំពូលកម្ពុជារដូវកាលខាងមុខនេះ។ បច្ចុប្បន្នក្លឹបកំពុងរង់ចាំការចុះហត្ថលេខាអនុញ្ញាតចុងក្រោយពីរដ្ឋមន្ត្រីក្រសួងអប់រំយុវជន យុវជន និងកីឡា។
កញ្ញាបានបន្ថែមថា ក្លឹបមិនមានការជួសជុលអ្វីបន្ថែមលើកីឡដ្ឋានមួយនេះឡោះយ ដោយសារបច្ចុប្បន្នមានកម្រិតល្អប្រសើរដែលអាចប្រើប្រាស់បាន។ ក្រោយចប់រដូវភ្ជុំបិណ្ឌប្រហែលជាថ្ងៃទី៨-៩ ខែតុលា ខាងមុខនេះក្លឹបនឹងទទួលបានលិខិតអនុញ្ញាតពីក្រសួងអប់រំយុវជន និងកីឡា ដើម្បីបានប្រើប្រាស់កីឡដ្ឋានមួយនេះជាផ្លូវការ។
គិតត្រឹមពេលនេះ Cambodian Tiger ជាក្លឹបទី៥ ដែលមានកីឡដ្ឋានផ្ទាល់ខ្លួន បន្ទាប់ពីភ្នំពេញក្រោន ក្រសួងការពារជាតិ ព្រះខ័នរាជស្វាយរៀង និងវេស្ទើនភ្នំពេញ៕
ក្រុម Cambodian Tiger
អត្ថបទ៖ ស្រី សុវណ្ណដារ៉ា
