- 2016-09-09 20:30:22
- បាល់ទាត់
ទេព ឡុងរចនា ប្រាប់ក្លឹបខ្លាំងមួយនៅអឺរ៉ុបដែលលោកពេញចិត្តបំផុត
- 2016-09-09 20:30:22
- ចំនួនមតិ 0 | ចំនួនចែករំលែក 0
ទេព ឡុងរចនា ប្រាប់ក្លឹបខ្លាំងមួយនៅអឺរ៉ុបដែលលោកពេញចិត្តបំផុត
ចន្លោះមិនឃើញ
សាកនាំគ្នាទស្សន៍ទាយទៅមើលថា ក្លឹបបាល់ទាត់ក្នុងក្រមខណ្ឌកំពូលអឺរ៉ុបមួយណាដែលជាក្លឹបសំណព្វចិត្តរបស់លោក ទេព ឡុងរចនា គ្រូបង្គោលរបស់ក្រុមក្រសួងការពារជាតិ?
លោក ទេព ឡុងរចនា បានប្រាប់ Sabay ថា លោកពេញចិត្តបំផុតក្លឹបអ្នកមានបុណ្យ FC Barcelona ដែលស្ថិតនៅក្របខណ្ឌបាល់ទាត់កំពូលអេស្ប៉ាញ Laliga។ លោកគ្រូបានប្រាប់ថា មូលហេតុដែលលោកចូលចិត្តក្លឹបមួយនេះ ដោយសារតែក្លឹបនេះលេងនៅលើទីលានប្រកបដោយប្រាជ្ញាស្មារតីខ្ពស់ ចូលចិត្តលេងគ្រប់គ្រងបាល់ឲ្យបានច្រើន ទាល់តែមានឱកាសល្អទើបបានសម្រុកទៅមុខ។
លោកបន្តថា ក្លឹបបាល់ទាត់ដទៃមិនងាយយកបាល់ចេញពីជើងកីឡាកររបស់ក្រុមមួយនេះទេ។ «កីឡាកររបស់ក្លឹបផ្សេងៗទៀតពេលបានបាល់គិតតែពីសម្រុកទៅមុខ ប៉ុន្តែក្រុមយក្សអេស្ប៉ាញមួយនេះអត់ទេទាល់តែមានឱកាសល្អបានរុលទៅមុខ»។ ចំណុចពិសេសៗទាំងនេះហើយដែលធ្វើឲ្យគ្រូទ័ពមួយនេះស្រលាញ់ និងព្យាយាមប្រើទម្រង់លេងរបៀបនេះបញ្ចូលក្នុងក្រុមក្រសួងការពារជាតិ។ ម្យ៉ាងទៀត ទម្រង់លេងរបៀបក្រុម Barcelona នេះអាស្រ័យលើសសមត្ថភាពកីឡាករទៀត។
លោកគ្រូ ទេព ឡុងរចនា បានដឹកនាំក្រុមក្រសួងការពារជាតិឲ្យឈ្នះពាន Hun Sen Cup ឆ្នាំ២០១៦។ លោកគ្រូដ៏មានបទពិសោធន៍មួយនេះកំពុងដឹកនាំក្រសួងការពារជាតិឈរលេខ២នៃលីគបាល់ទាត់កំពូលកម្ពុជាដែលកំពុងប្រជែងយកពានរង្វាន់លីគកំពូលកម្ពុជាឆ្នាំ២០១៦ជាមួយក្រុមលេខ១ បឹងកេតអង្គរ៕
អត្ថបទ៖ នួន ស៊ីណា
