- 2016-07-24 00:23:34
- បាល់ទាត់
U16 កម្ពុជាបានលេខ៤ ពាន AFF U16 ក្រោយចាញ់ U16 ថៃ ០-៣
- 2016-07-24 00:23:34
- ចំនួនមតិ 0 | ចំនួនចែករំលែក 0
U16 កម្ពុជាបានលេខ៤ ពាន AFF U16 ក្រោយចាញ់ U16 ថៃ ០-៣
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជាអាយុក្រោម១៦ឆ្នាំបានស្ថិតនៅចំណាត់ថ្នាក់លេខ៤នៃពានរង្វាន់ជើងឯកយុវជនអាស៊ីអាគ្នេយ៍អាយុក្រោម១៦ឆ្នាំ (AFF U16 Championship 2016) បន្ទាប់ពីប្រកួតចាញ់យុវជនជម្រើសជាតិថៃអាយុក្រោម១៦ឆ្នាំដោយលទ្ធផល ០-៣នាល្ងាចថ្ងៃទី២៣ ខែកក្កដា ឆ្នាំ២០១៦។
ការប្រកួតនៅពហុកីឡដ្ឋានជាតិ ក្រុមយុវជនថៃបានស៊ុតចូលទី៣គ្រាប់នៅតង់ទីមួយ ខណៈក្រុមកម្ពុជាគ្មានស៊ុតនៅមុខទីរបស់ថៃឡើយ។ ចំពោះការប្រកួតតង់ទីពីរក្រុមកម្ពុជាបានព្យាយាមវាយសម្រុកយ៉ាងខ្លាំង ប៉ុន្តែខ្សែប្រយុទ្ធធ្វើមិនបានសម្រេច ហើយបាត់បង់ឱកាសជាច្រើន។ ដោយក្រុមថៃហាក់មិនព្យាយាមវាយសម្រុករកគ្រាប់បាល់បន្ថែមទៀតឡើយដោយរក្សាការពារយកពេលវេលាច្រើនជាង។ ចប់ការប្រកួតថៃបានលេខ៣ ហើយកម្ពុជាស្ថិតនៅលេខ៤ដែលនេះជាប្រវត្តិសាស្ត្រសម្រាប់កម្ពុជា៕
អត្ថបទ៖ ជាន ចាន់រ៉ា
