ល្ងាចនេះ U-16 កម្ពុជា ប៉ះ U-16 មីយ៉ាន់ម៉ា ក្នុងជំនួបមិត្តភាព

2016-07-06 16:17:27
បាល់ទាត់

2016-07-06 16:17:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់មិត្តភាពអន្តរជាតិ រវាងក្រុមបាល់ទាត់ជម្រើសជាតិកម្ពុជាក្រោមអាយុ១៦ឆ្នាំ ទទួលស្វាគមន៍ក្រុមបាល់ទាត់ជម្រើសជាតិមីយ៉ាន់ម៉ាក្រោមអាយុ ១៦ឆ្នាំ នឹងចាប់ផ្ដើមប្រកួតនាវេលាម៉ោង ៧:០០ នាទីថ្ងៃទី៦ ខែកក្កដា ឆ្នាំ២០១៦នេះនៅពហុកីឡដ្ឋានជាតិដែលផ្សាយផ្ទាល់ដោយ MY TV។ U-16 កម្ពុជា បានបរាជ័យ ៣-០ក្រោមថ្វីជើង U-16 មីយ៉ាន់ម៉ា កាលពីឆ្នាំ២០១៥ តើ U-16 កម្ពុជា សងសឹក U-16 មីយ៉ាន់ម៉ា បានវិញអត់ល្ងាចនេះ?

បើតាមការបញ្ជាក់របស់គ្រូបង្វឹកក្រុម U16 កម្ពុជាលោក INOUE KAZUNORI ថា ការប្រកួតមិត្តភាពនេះ ដើម្បីសាកជើងមើលទម្រង់លេងរបស់កីឡាករឲ្យបានកាន់តែច្បាស់ ក្នុងការត្រៀមខ្លួនប្រកួតពានរង្វាន់ AFF U-16 Championship 2016 ដែលកម្ពុជាធ្វើម្ចាស់ផ្ទះ។ ទម្រង់លេងរបស់ក្រុមជម្រើសជាតិកម្ពុជាក្រោមអាយុ ១៦ឆ្នាំ កើនឡើង ខុសពីឆ្នាំមុនខ្លាំងគួរឲ្យកត់សម្គាល់។

ងាកទៅខាងលោក Nyi Nyi Latt គ្រូបង្វឹកក្រុមបាល់ទាត់ជម្រើសជាតិមីយ៉ាន់ម៉ាក្រោមអាយុ ១៦ឆ្នាំ ( U-16) វិញ បានលើកឡើងថា ការប្រកួតមិត្តភាពសាកជើងនេះ អាចឲ្យកូនក្រុមរបស់លោកទទួលបានបទពិសោធន៍ថ្មីមួយសម្រាប់ពួកគេ។ បន្ថែមលើសពីនេះក៏អាចឲ្យកូនក្រុមរបស់លោក សមជើងលើទីលានពហុកីឡដ្ឋានជាតិ ដែលជាកន្លែងប្រកួតពានរង្វាន់ខាងលើផងដែរ។

ជម្រើសជាតិ U-16 កម្ពុជាបានទទួលបរាជ័យ ក្រោមថ្វីជើងក្រុមជម្រើសជាតិ U-16 មីយ៉ាន់ម៉ាកាលពីឆ្នាំ២០១៥ ដោយលទ្ធផល ៣-០ សម្រាប់ជំនួបចុងក្រោយក្នុងពូល B។ បរាជ័យ ៣-០ នោះបានធ្វើឲ្យកម្ពុជាមិនបានបន្តដំណើរឡើងទៅវគ្គ ៤ក្រុមចុងក្រោយឡើយ ពោលគឺមីយ៉ាន់ម៉ាទម្លាក់កម្ពុជាត្រឹមវគ្គជម្រុះតាមពូល B នាប្រកួតចុងក្រោយនោះតែម្ដង៕

ចាំមើលល្ងាចនេះតើកម្ពុជាអាចសងសឹកមីយ៉ាន់ម៉ាបានអត់? 