- 2016-06-03 21:22:02
- បាល់ទាត់
ហុក សុជីវ័ន្ត ស្នើអ្នកគាំទ្រយល់៣ចំណុចនេះ ពេលកម្ពុជា ទទួលឆាយនីសតៃប៉ិ
- 2016-06-03 21:22:02
- ចំនួនមតិ 0 | ចំនួនចែករំលែក 0
ហុក សុជីវ័ន្ត ស្នើអ្នកគាំទ្រយល់៣ចំណុចនេះ ពេលកម្ពុជា ទទួលឆាយនីសតៃប៉ិ
ចន្លោះមិនឃើញ
លោក ហុក សុជីវ័ន្ត គ្រូបង្វឹកក្លឹបបាល់ទាត់ Cambodian Tiger បានស្នើដល់អ្នកគាំទ្រកម្ពុជាចាំបាច់ត្រូវស្វែងយល់ ៣ចំណុចនេះ សម្រាប់ការប្រកួតកម្ពុជា និងឆាយនីសតៃប៉ិ វគ្គជម្រុះបឋមពានរង្វាន់ AFC Asian Cup 2019 ជើងទី២ថ្ងៃទី៧ ខែមិថុនា ឆ្នាំ២០១៦ នៅពហុកីឡដ្ឋានជាតិ។
អតីតគ្រូបង្វឹកក្រុមជម្រើសជាតិកម្ពុជាក្រោមអាយុ ១៩ឆ្នាំរូបនេះបានឲ្យដឹងថា ការលើកឡើងរបស់លោក ក្នុងគោលបំណងឲ្យអ្នកគាំទ្របាល់ទាត់កម្ពុជាយល់ដឹងពីរបៀបនៃការគាំទ្រឲ្យបាល់ទាត់បានច្បាស់។ ៣ចំណុចខាងក្រោមនេះអ្នកខ្លះធ្លាប់បានដឹង ហើយមានអ្នកខ្លះទៀតក៏មិនទាន់យល់ច្បាស់ផងដែរ។
ចំណុចទី១ ៖ អ្នកគាំទ្រមានសិទ្ធិគ្រប់បែបយ៉ាង ក្នុងការលើកទឹកចិត្តកីឡាករ ឬក្រុមបាល់ទាត់មួយណាដែលខ្លួនពេញចិត្ត។ ប៉ុន្តែមិនអាចធ្វើអ្វីខុសឆ្គងទៅលើកីឡាករក្នុងពេលកំពុងប្រកួតបានឡើយ ទោះបីកីឡាករមានសកម្មភាពបែបណាក្នុងពេលកំពុងលេងលើទីលានក៏ដោយ។
ចំណុចទី២ ៖ ប្រសិនបើអ្នកគាំទ្រហ៊ានប្រព្រឹត្តិខុស ក្នុងប្រការណាមួយទៅលើការប្រកួត ឧទាហរណ៍ដេញវាយកីឡាករ ស្ថិតក្នុងកម្រិតស្រាល នោះសហព័ន្ធកីឡាបាល់ទាត់អាស៊ី ឬ FIFA អាច នឹងដកសិទ្ធិមិនឲ្យអ្នកគាំទ្រចូលមើលការប្រកួតអន្តរជាតិ។
ចំណុចទី៣ ៖ ប្រសិនបើអ្នកអ្នកគាំទ្របង្កជាបញ្ហាអ្វីមួយធ្ងន់ធ្ងរ សហព័ន្ធបាល់ទាត់អាស៊ី ឬ FIFA នឹងដកសិទ្ធិមិនឲ្យប្រទេសមួយនោះធ្វើជាម្ចាស់ផ្ទះក្នុងព្រឹត្តិការណ៍អន្តរជាតិតែម្ដង។
លោក ហុក សុជីវន្ត បន្ថែមថា ក្នុងនាមជាម្ចាស់ផ្ទះត្រូវតែធានាសុវត្ថិភាពជូនក្រុមភ្ញៀវ១០០% ។ បើគិតមកដល់ពេលនេះបាល់ទាត់នៅកម្ពុជាកំពុងមានការរីកចម្រើនទៅមុខ ហេតុនេះលោកសង្ឃឹមថា អ្នកគាំទ្រកម្ពុជាទាំងអស់ នឹងយល់ ហើយគាំទ្រដោយភាពត្រឹមត្រូវ បញ្ជាក់ពីពូជសាសន៍ទន់ភ្លន់របស់ខ្មែរ។
ការលើកឡើងបែបនេះ បន្ទាប់ពីមានអ្នកគាំទ្រកម្ពុជាមួយចំនួនតូច មិនពេញចិត្តនឹងកីឡាកររបស់ក្រុមឆាយនីសតៃប៉ិខ្លះ ក្នុងការប្រកួតកាលពីជើងទី១ នៃពានរង្វាន់ខាងលើកាលពីយប់មិញនេះ ហើយបានសរសេរបង្ហោះដាក់លើទំព័រហ្វេបុករបស់ខ្លួនដោយគិតមិនល្អទៀតផង៕
អត្ថបទ៖ ស្រី សុវណ្ណដារ៉ា
