- 2016-05-02 16:55:41
- បាល់ទាត់
ជម្រើសជាតិសីប៉ាតាក្រកម្ពុជាទៅបង្ហាត់សិស្សនៅស្រុកស្វាយអន្ទរ
- 2016-05-02 16:55:41
- ចំនួនមតិ 0 | ចំនួនចែករំលែក 0
ជម្រើសជាតិសីប៉ាតាក្រកម្ពុជាទៅបង្ហាត់សិស្សនៅស្រុកស្វាយអន្ទរ
ចន្លោះមិនឃើញ
ក្រុមកីឡាសីប៉ាតាក្រកម្ពុជាដឹកនាំដោយលោក ជាតិ ខេមរា បានចុះទៅបង្ហាត់សិស្សដល់សាលាចំនួន៤នៅស្រុកស្វាយអន្ទរ បន្ទាប់ពីមានការស្នើសុំពីសំណាក់សហគមន៍កីឡាស្រុកស្វាយអន្ទរ។
លោក ជាតិ ខេមរា គ្រូបង្ហាត់កីឡាសីប៉ាតាក្រកម្ពុជាបានឲ្យដឹងថា តបតាមការអញ្ជើញរបស់សហគមន៍កីឡាស្រុកស្វាយអន្ទរ លោកបានដឹកនាំក្រុមកីឡាករ កីឡាការិនីជម្រើសជាតិកម្ពុជាទៅបង្ហាត់ផ្ទាល់ដល់សិស្សមកពី ៤សាលា រួមមានសាលាបឋមសិក្សាថ្លាវ ពោធិជ្រៃ ស្វាយអន្ទរ និងវិទ្យាល័យស្វាយអន្ទរ។ គោលបំណងគឺ ចង់បង្ហាញពីប្រវត្តិកីឡាសីដក់ ស្នាដៃរបស់ក្រុមសីដក់កម្ពុជាលើឆាកអន្តរជាតិ របៀបកម្ដៅសាច់ដុំ ក្បួនច្បាប់នៃការលេង បច្ចេកទេសលេង និងមូលដ្ឋានគ្រឹះនៃការហ្វឹកហាត់ និងការលេងដល់ប្អូនៗនៅទីនេះ។
លោកបន្ថែមថា មធ្យោបាយក្នុងការធ្វើដំណើរ គឺក្រុមលោកបានចំណាយថវិការៀងៗខ្លួន ព្រោះតែទឹកចិត្តស្រឡាញ់ និងចង់ឲ្យប្អូនសិស្សសាលា រួមគ្នាជួយអភិរក្ស និងអភិវឌ្ឍន៍នូវកីឡាសីប៉ាតាក្ររបស់ដូនតាខ្មែរយើងឲ្យបានឋិតថេរគង់វង្ស និងក៏ដើម្បីលើកស្ទួយកីឡាមួយនេះឲ្យកាន់តែមានប្រជាប្រិយភាពក្នុងស្រទាប់យុវវ័យ ពិសេសសិស្សសាលនៅទូទាំងប្រទេសកម្ពុជា។
លោក តូច សុភក្តិ អគ្គលេខាធិការសហព័ន្ធកីឡាសីប៉ាតាក្រកម្ពុជាបានបញ្ជាក់ដែរថា ស្រុកស្វាយអន្ទរ ជាសាលាទី១ ដែលសហព័ន្ធសីដក់កម្ពុជាចុះមកបង្ហាញក្បួនច្បាប់ ហើយបន្ទាប់ពីសាលានេះ នឹងទៅចុះទៅវិទ្យាល័យមួយចំនួនទៀតនៅភ្នំពេញ៕
អត្ថបទ៖សោម សារិទ្ធ
