- 2016-03-29 16:59:54
- បាល់ទាត់
Cambodian Tiger ប្រាប់បញ្ហាធ្វើឲ្យធ្លាក់ទម្រង់លេងដើមរដូវកាល
- 2016-03-29 16:59:54
- ចំនួនមតិ 0 | ចំនួនចែករំលែក 0
Cambodian Tiger ប្រាប់បញ្ហាធ្វើឲ្យធ្លាក់ទម្រង់លេងដើមរដូវកាល
ចន្លោះមិនឃើញ
លោក ហុក សុជីវ័ន្ដ គ្រូបង្វឹកក្រុម Cambodian Tiger បានបញ្ជាក់ថា ក្រុមរបស់លោកធ្លាក់ទម្រង់លេងប៉ុន្មានប្រកួតដើមរដូវកាលនេះ ដោយសារតែមានកីឡាករថ្មីលេងមិនស៊ីចង្វាក់គ្នា និងមួយទៀតនោះគឺកង្វះទីលានធំដើម្បីហ្វឹកហាត់។
៣ប្រកួតនៅដើមរដូវកាលរបស់ក្រុម Cambodian Tiger ក្នុងលីគកំពូលមិត្ដហ្វូនខេមបូឌានលីកឆ្នាំ ២០១៦ នេះ ហាក់ដូចជាមិនសូវជាល្អប៉ុន្មាននោះទេ ដោយចាញ់២ប្រកួត និងឈ្នះមួយប្រកួត។ ហេតុដូច្នេះហើយ ទើបលោក ហុក សុជីវ័ន្ដ បានបង្ហាញពីចំណុចខ្វះខាតនៅក្នុងក្រុមថាមកពីកីឡាករមិនទាន់យល់ចិត្តគ្នា ណាមួយប៉ុន្មានប្រកួតមកនេះពួកគេហ្វឹកហាត់តែទីលានតួចៗ ដែលជាហេតុធ្វើឱ្យពេលប្រកួតហាក់ខ្សោយកម្លាំង។
អតីតគ្រូបង្វឹករបស់ក្រុមជម្រើសជាតិក្រោមអាយុ១៩ឆ្នាំខាងលើបានបន្ថែមទៀតថា៖ “វាពិតជាពិបាកសម្រាប់កីឡាករថ្មី ក្នុងការលេងឱ្យស៊ីចង្វាក់គ្នា ប៉ុន្តែប្រកួតខាងមុខនេះយើងរំពឹងថា នឹងធ្វើបានល្អវិញ ព្រោះយើងបានហ្វឹកហាត់ពេញលេញជាមួយទីលានធំ ហើយយើងក៏បានបំពេញចន្លោះប្រហោងរបស់យើងរួចដែរ”។
ក្រុម Cambodian Tiger មានការងារធ្វើច្រើននៅសប្ដាហ៍នេះ ដោយពួកគេនឹងត្រូវប្រកួតពានរង្វាន់ Hun Sen Cup នៅថ្ងៃពុធស្អែកនេះជាមួយក្រុមកំពង់ធំ ហើយនៅថ្ងៃសៅរ៍ត្រូវប្រកួតលីគកំពូលទៀតជាមួយក្រុមស៊ីម៉ាក់៕
អត្ថបទ៖ មុន្នី រម្យ
