- 2016-03-17 16:23:44
- បាល់ទាត់
Buriram បន្តចាញ់នៅ Champions League ៣ប្រកួត គេស៊ុតចូល១២គ្រាប់
- 2016-03-17 16:23:44
- ចំនួនមតិ 0 | ចំនួនចែករំលែក 0
Buriram បន្តចាញ់នៅ Champions League ៣ប្រកួត គេស៊ុតចូល១២គ្រាប់
ចន្លោះមិនឃើញ
ក្រុមយក្សរបស់ថៃ Buriram United បានបន្តបរាជ័យជាលើកទី៣ នៅការប្រកួតជម្រុះតាមពូលនៅ AFC Champions League ក្រោយចាញ់ Sanfrecce Hiroshima របស់ជប៉ុន ៣-០។ លទ្ធផលនេះ ធ្វើឲ្យក្រុមជើងឯកថៃ ចាញ់ទាំង៣ប្រកួត ឲ្យគេស៊ុតចូល១២គ្រាប់ និងគ្មានគ្រាប់បាល់សងគេវិញសោះ។
ខ្សែប្រយុទ្ធវ័យក្មេងជប៉ុន Asano បានស៊ុតបញ្ចូលទី២គ្រាប់ម្នាក់ឯងឲ្យ Sanfrecce នៅនាទី ៤២ និង៥៥ ហើយ Shimizu ជាអ្នកបង្គ្រប់គ្រាប់ទី៣ នៅ៩នាទីមុនចប់ការប្រកួត។ ជ័យជម្នះនេះបានរំកិល Sanfrecce មកនៅលេខ៣ក្នុងពូល តាមពីក្រោយក្រុម Shandong Luneng របស់ចិន៣ពិន្ទុ។
ឆ្លងកាត់ការប្រកួត៣លើកកន្លងមកនៅក្នុងពូល F ក្រុម FC Seoul របស់កូរ៉េខាងត្បូងប្រកួត៣ដង ឈ្នះទាំង៣ដង មាន៩ពិន្ទុនៅកំពូលតារាង, Shandong Luneng របស់ចិន ឈ្នះ២ចាញ់១ មាន៦ពិន្ទុ, Sanfrecce Hiroshima របស់ជប៉ុន ចាញ់២ ឈ្នះ១ មាន៣ពិន្ទុ ខណៈ Buriram បាតតារាង គ្មានពិន្ទុរាប់៕
ប្រែសម្រួល៖ វីរ៉ុត ប្រភព៖ AFC
