- 2016-03-13 22:25:11
- បាល់ទាត់
ជម្រើសជាតិ ប៉ះក្រុម MCL ចម្រុះជាតិសាសន៍ស្អែក វេលាម៉ោង៥ល្ងាច
- 2016-03-13 22:25:11
- ចំនួនមតិ 0 | ចំនួនចែករំលែក 0
ជម្រើសជាតិ ប៉ះក្រុម MCL ចម្រុះជាតិសាសន៍ស្អែក វេលាម៉ោង៥ល្ងាច
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជានឹងប្រកួតមិត្តភាពកម្តៅសាច់ដុំជាមួយក្រុមកីឡាករទាំងខ្មែរ និងបរទេសដែលជ្រើសរើសចេញពីក្លឹបនានាក្នុងលីគបាល់ទាត់កំពូលកម្ពុជាវេលាម៉ោង៥ល្ងាច ថ្ងៃចន្ទ ទី១៤ ខែមីនា ឆ្នាំ២០១៦នេះនៅពហុកីឡដ្ឋានជាតិ។
កម្ពុជាពេលប្រកួតនឹងស៊ីរី ជើងទី១
សម្រាប់ក្រុមកីឡាករដែលជ្រើសរើសចេញពីក្លឹបនានាក្នុងលីគបាល់ទាត់កំពូលកម្ពុជាចំនួន១៨នាក់មានកីឡាករកម្ពុជាតែ២នាក់ប៉ុណ្ណោះគឺអ្នកចាំទី គឹម មករា មកពីក្លឹបបឹងកេតអង្គរ និង សំរឹទ្ធ សីហា មកពីក្លឹប Cambodian Tiger។ ក្រៅពីនោះ សុទ្ធតែកីឡាករបរទេសដែលលេចធ្លោទាំងអស់នៅលីគបាល់ទាត់កំពូលកម្ពុជា។
កាលពីថ្ងៃទី១១ ខែមីនា កន្លងទៅនេះ ក្រុមជម្រើសជាតិបានប្រកួតមិត្តភាពឈ្នះក្រុមក្រសួងការពារជាតិដោយលទ្ធផល ៣-១ មុនពេលប៉ះក្រុមកីឡាករដែលជ្រើសរើសចេញពីក្លឹបនានាក្នុងលីគបាល់ទាត់កំពូលកម្ពុជា ថ្ងៃចន្ទ ទី១៤ ខែមីនា វេលាម៉ោង៥ល្ងាច នៅពហុកីឡដ្ឋានជាតិ។ បន្ទាប់មកក្រុមជម្រើសជាតិកម្ពុជានឹងធ្វើដំណើរទៅប្រកួតមិត្តភាពអន្តរជាតិនៅប្រទេសវៀតណាមជាបន្តទៀត។
ក្រុមជម្រើសជាតិកម្ពុជាបានចាប់ផ្ដើមប្រមូលផ្ដុំហ្វឹកហាត់តាំងពី ថ្ងៃទី៨ ខែមីនា ឆ្នាំ២០១៦ ដើម្បីត្រៀមខ្លួនចេញទៅប្រកួតបង្គ្រប់កិច្ចនៃយុទ្ធនាការ ជម្រុះ 2018 FIFA World Cup Russia ជាមួយ ប្រទេស ស៊ីរី នៅថ្ងៃទី២៤ ខែមីនា ឆ្នាំ២០១៦ នៅប្រទេស អូម៉ង់ ជាទឹកដីកណ្ដាល៕
អត្ថបទ៖ ជាន ចាន់រ៉ា
