- 2016-03-07 21:34:53
- បាល់ទាត់
MCL ចាប់សម្រាកថ្ងៃនេះ ក្រុមជម្រើសជាតិចាប់ហាត់ថ្ងៃ៨មីនា
- 2016-03-07 21:34:53
- ចំនួនមតិ 0 | ចំនួនចែករំលែក 0
MCL ចាប់សម្រាកថ្ងៃនេះ ក្រុមជម្រើសជាតិចាប់ហាត់ថ្ងៃ៨មីនា
ចន្លោះមិនឃើញ
ការប្រកួតលីគកំពូលកម្ពុជា នឹងសម្រាករហូតដល់ថ្ងៃទី១ ខែមេសា ឆ្នាំ២០១៦ ទើបបន្តការប្រកួតសប្ដាហ៍ទី៤ ដើម្បីទុកពេលឲ្យកីឡាករជម្រើសជាតិប្រមូលផ្ដុំហ្វឹកហាត់ត្រៀមខ្លួនប្រកួតបង្គ្រប់កិច្ចក្នុងពូល E ជម្រុះ World Cup 2018 ជាមួយប្រទេសស៊ីរី នៅលើទឹកដីប្រទេសអូម៉ង់។
ចន្លោះនៃការសម្រាកការប្រកួតលីគកំពូលកម្ពុជាពីថ្ងៃទី៨ ខែមីនា ដល់ថ្ងៃទី១ ខែមេសា ឆ្នាំ២០១៦ ដើម្បីទុកពេលឲ្យកីឡាករជម្រើសជាតិកម្ពុជា ប្រមូលផ្ដុំហ្វឹកហាត់រៀងរាល់ព្រឹកចាប់ពីម៉ោង ៧ដល់ម៉ោង ៩ ក្នុងកំឡុងចាប់ពីថ្ងៃទី៨ ដល់ទី១១ ខែមីនា ឆ្នាំ២០១៦ នៅពហុកីឡដ្ឋានជាតិ។ ដល់ថ្ងៃទី១២ និងទី ១៣ ខែមីនា ឆ្នាំ២០១៦ លោក Lee Tae Hoon ជាគ្រូបង្វឹក នឹងធ្វើតេស្តជម្រុះយកកីឡាករ ២៣នាក់ចុងក្រោយ ដើម្បីចេញទៅប្រកួតមិត្តភាពជាមួយក្រុមលេងនៅលីគលំដាប់ទីពីររបស់ប្រទេសវៀតណាម Ho Chi Mich ថ្ងៃទី១៤ ខែមីនា ឆ្នាំ២០១៦។
បន្ទាប់ពី ក្រុមកីឡាករជម្រើសជាតិកម្ពុជា ត្រឡប់មកពីប្រទេសវៀតណាមនាថ្ងៃទី១៧ ខែមីនា ឆ្នាំ២០១៦ ពួកគេបន្តហ្វឹកហាត់ត្រៀមខ្លួនចេញដំណើរទៅប្រទេស អូម៉ង់ ដើម្បីប្រកួត នឹងក្រុមស៊ីរីនាថ្ងៃទី២៤ ខែមីនា ឆ្នាំ២០១៦នៃយុទ្ធនាការជម្រុះ 2018 Russia World Cup Qualification ដែលជាការប្រកួតបញ្ចប់ក្នុងពូល៕
អត្ថបទ៖ ស្រី សុវណ្ណដារ៉ា
