- 2016-03-04 21:28:49
- បាល់ទាត់
សកលវិទ្យាធិការ RUPP បង្ហាញចំណុចពិសេសៗនៃទីលានកីឡាថ្មី
- 2016-03-04 21:28:49
- ចំនួនមតិ 0 | ចំនួនចែករំលែក 0
សកលវិទ្យាធិការ RUPP បង្ហាញចំណុចពិសេសៗនៃទីលានកីឡាថ្មី
ចន្លោះមិនឃើញ
ឯកឧត្តមបណ្ឌិត ជេត ជាលី សកលវិទ្យាធិការនៃសកលវិទ្យាល័យភូមិន្ទភ្នំពេញ បង្ហាញពីចំណុចពិសេសៗ នៃការជួសជុលទីលានបាល់ទាត់, បាល់ទះ, បាល់បោះ និងទីលានវាយសី ដែលគ្រោងដាក់ឲ្យប្រើប្រាស់នាខាងមុខនេះ។
ឯកឧត្តមបានឲ្យដឹងថា ក្រសួងអប់រំ យុវជន និងកីឡាបានផ្ដល់គម្រោងជាប្រាក់ជិត៤ពាន់លានរៀលក្នុងជួសជុលទីលានបាល់ទាត់ ទីលានបាល់ទះ ទីលានវាយសី និងទីលានបាល់បោះ ព្រមទាំងកន្លែងសម្រាប់កីឡាមួយចំនួនទៀតនៅសាកលវិទ្យាល័យភូមិន្ទភ្នំពេញ។ ការជុសជុលត្រូវផ្ដោតសំខាន់លើទីលានបាល់ទាត់មុនគេនាពេលនេះដើម្បីបំពេញតម្រូវការប្រើប្រាស់របស់រាជរដ្ឋាភិបាលកម្ពុជា។ បន្ទាប់ពីជួសជុលទីលានបាល់ទាត់ចប់ នឹងចាប់ផ្តើមជួសជុលទីលានកីឡាផ្សេងៗទៀត។
ឯកឧត្តមសកលវិទ្យាធិការថា ទីលានបាល់ទាត់ ដែលកំពុងជួសជុលដាំស្មៅធម្មជាតិនេះ អាចចាត់ទុកបានថា មានកម្រិតខ្ពស់រហូតដល់ថ្នាក់អន្តរជាតិបាន ពីព្រោះក្រុមជាងដែលកំពុងធ្វើគឺសុទ្ធតែមានបទពិសោធន៍ និងបានយល់ដឹងពីរបៀបធ្វើទីលានបាល់ទាត់យ៉ាងច្បាស់។ កម្រិតទីលានជួសជុលក្នុងគោលបំណងប្រើប្រាស់ក្នុងរយៈពេលច្រើនឆ្នាំ។
ក្រៅពីការជួសជុលទីលានខាងលើក៏មានជួសជុលបន្ទប់ផ្លាស់សំលៀកបំពាក់សម្រាប់កីឡាករ អាជ្ញាកណ្ដាល ដែលធ្វើឲ្យដូចនឹងកម្រិតស្តង់ដារពិភពលោកផងដែរ។
ចង់ដឹងកាន់តែច្បាស់ថាទីលានបាល់ទាត់សកលវិទ្យាល័យភូមិន្ទភ្នំពេញ នឹងប្រែក្លាយទៅជាល្អដល់កម្រិតណានោះសូមមើលវីដេអូ ដែលបកស្រាយដោយលោក ជេត ជាលី ខាងក្រោម៖
អត្ថបទ៖ ស្រី សុវណ្ណដារ៉ា
