- 2015-12-15 23:49:36
- បាល់ទាត់
អ្នកគាំទ្រ Leicester ដាក់ញត្តិសាងសង់រូប Vardy នៅក្រៅកីឡដ្ឋាន
- 2015-12-15 23:49:36
- ចំនួនមតិ 0 | ចំនួនចែករំលែក 0
អ្នកគាំទ្រ Leicester ដាក់ញត្តិសាងសង់រូប Vardy នៅក្រៅកីឡដ្ឋាន
ចន្លោះមិនឃើញ
អ្នកគាំទ្ររបស់ក្រុម Leicester City បានចាប់ផ្ដើមដាក់ញត្តិដើម្បីស្នើសុំការសាងសង់រូបសំណាក ខ្សែប្រយុទ្ធដ៏មុតស្រួចរបស់ពួកគេគឺ កីឡាករ Jamie Vardy។
សំណើខាងលើធ្វើឡើងបន្ទាប់ពីកីឡាករវ័យ២៨ឆ្នាំ បានបំបែកកំណត់ត្រាស៊ុតបញ្ចូលទី១១ប្រកួតជាប់ៗគ្នារបស់វីរបុរសបាល់ទាត់ក្រុម Manchester United កីឡាករ Ruud Van Nistelrooy។ គំនិតនេះផ្ដួចផ្ដើម ដោយគេហទំព័រ PredictTheSix.com ដែលបានសន្យាបរិច្ចាគប្រាក់ ១០០០០ផោន សាងសង់រូបសំណាក Vardy នៅខាងក្រៅកីឡដ្ឋាន King Power Stadium បើសិនជាមានហត្ថលេខាគាំទ្រពីមនុស្សចំនួន ១០០០ នាក់។
ប្រភពព័ត៌មានបានឲ្យដឹងថាក្រោយកីឡាករ Vardy ស៊ុតបញ្ចូលទី Chelsea យប់មិញ ហត្ថលេខាពីអ្នកគាំទ្រ កើនរហូតដល់ ១១៦០នាក់ ដូច្នេះក្រុមការងារដែលផ្ដួចផ្ដើមគំនិតបានសរសេរពាក្យស្នើមួយសុំការ អនុញ្ញាតពីខាងក្លិបរួចហើយដែរ។
ការសាងសង់រូបសំណាករបស់ Vardy នឹងមានថវិកាបម្រុងចំនួន ១០០០០ផោន ហើយយើងសូមអំពាវនាវ ដល់ក្លិបធ្វើការបន្ថែមថវិកាសាងសង់ក្នុងករណីបើសិនមានការខ្វះខាត៕
ប្រែសម្រួល៖ រុន វីរ៉ុត ប្រភព៖ thesun
