- 2015-11-18 21:02:45
- បាល់ទាត់
Balotelli មិនអាចលេងបាល់ដល់ឆ្នាំក្រោយ ដោយសាររបួសក្រលៀន
- 2015-11-18 21:02:45
- ចំនួនមតិ 0 | ចំនួនចែករំលែក 0
Balotelli មិនអាចលេងបាល់ដល់ឆ្នាំក្រោយ ដោយសាររបួសក្រលៀន
ចន្លោះមិនឃើញ
កីឡាករ Mario Balotelli នឹងត្រូវវះកាត់នៅថ្ងៃពុធនេះដើម្បីព្យាបាលរបួសក្រលៀន ដែលអាចឲ្យគេអវត្តមានពីទីលានប្រកួតរហូតដល់ឆ្នាំក្រោយ។
ចាប់តាំងពីចាកចេញពីទឹកដី Anfield មកកាន់ ទីក្រុង Milan តាំងពីដើម្បីរដូវកាលមក ខ្សែប្រយុទ្ធជម្រើសជាតិអ៊ីតាលី ទើបតែបង្ហាញខ្លួនបាន ៤ប្រកួតប៉ុណ្ណោះ និងរកបាន១គ្រាប់ដែរ។
ក្នុងសេចក្ដីថ្លែងការណ៍ក្លិប AC Milan បានប្រកាសថា៖ "កីឡាករ Mario Balotelli នឹងត្រូវវះកាត់នៅថ្ងៃពុធនេះ ដើម្បីព្យាបាលរបួសក្រលៀន នៅក្នុងទីក្រុង Munich ប្រទេសអាល្លឺម៉ង់។ ការវះកាត់ដឹកនាំដោយលោកវេជ្ជបណ្ឌិត Ulrike Muschaweck"។
មិនទាន់មានការបញ្ជាក់ច្បាស់ ថាតើអតីតខ្សែប្រយុទ្ធ Manchester City វ័យ២៥ឆ្នាំរូបនេះ អាចត្រលប់មកលេងវិញឲ្យប្រាកដពេលណានោះទេ។ Balotelli ស៊ុតបញ្ចូលទីបាន២៦គ្រាប់ ក្នុងចំណោម៤៣ ប្រកួតឲ្យ AC Milan មុនពេលដែលផ្ទេរទៅ កាន់ Liverpool ក្នុងតម្លៃ ១៦លានផោន កាលពីឆ្នាំ២០១៤ ហើយបច្ចុប្បន្នគេបានត្រលប់មក ទឹកដី San Siro វិញក្នុងលក្ខណៈខ្ចីជើង៕
ចុចអាន៖ Balotelli ចេញស្បែកជើងថ្មីស្ទិល “ម៉ូដសក់” ប្លែកខុសគេ
ប្រែសម្រួល៖ រុន វីរ៉ុត ប្រភព៖ dailymail
