- 2015-08-17 17:23:41
- បាល់ទាត់
Rodgers បង្ខំឲ្យ Balotelli ចេញពី Liverpool
- 2015-08-17 17:23:41
- ចំនួនមតិ 0 | ចំនួនចែករំលែក 0
Rodgers បង្ខំឲ្យ Balotelli ចេញពី Liverpool
ចន្លោះមិនឃើញ
“បើគាត់ចង់លេង គាត់ដឹងច្បាស់ហើយថា គាត់ត្រូវធ្វើអ្វី”។ នេះជាសារខ្លីរបស់អ្នកចាត់ការ Brendan Rodgers ទៅកាន់ខ្សែប្រយុទ្ធ Mario Balotelli ដែលមានន័យគ្រប់គ្រាន់បញ្ជាក់ថា កីឡាករអ៊ីតាលីនឹងគ្មានអនាគតនៅក្លិប Liverpool ទៀតឡើយ។
អ្នកចាត់ការសញ្ជាតិអៀរឡង់ខាងជើង បានបញ្ឈរជើង Balotelli ចោល បន្ទាប់ពីខ្សែប្រយុទ្ធវ័យ២៥ឆ្នាំ លេងមិនបានល្អរដូវកាលមុន និងបានបង្ខំឲ្យអតីតកីឡាករក្រុម Manchester City រូបនេះ ទៅហ្វឹកហាត់ជាមួយក្មេងតូចៗ មុនពេលប្រាប់ឲ្យស្វែងរកក្លិបថ្មីបន្ថែមទៀត។
លោក Rodgers បាននិយាយថា៖ "គាត់ (Balotelli) ដឹងច្បាស់ណាស់ពីស្ថានភាពរបស់គាត់ ដូច្នេះខ្ញុំគ្មានអ្វីបន្ថែមទេ។ ការងាររបស់ខ្ញុំគឺ បង្កើតបរិយាកាសល្អបំផុតសម្រាប់ក្រុម ដើម្បីទទួលបានជោគជ័យ នោះជាអ្វីដែលខ្ញុំតែងធ្វើ។ ដូច្នេះ ខ្ញុំនឹងមិននិយាយពី Mario ទេ ពេលដែលខ្ញុំអាចនិយាយពីកីឡាករទាំង២៥នាក់"។
ខ្សែប្រយុទ្ធ ដែលធ្លាប់មានរហស្សនាមល្បីរន្ទឺ "Super Mario” រូបនេះ បានធ្លាក់ទម្រង់លេងយ៉ាងខ្លាំង បន្ទាប់ពីចាកចេញពី AC Milan ទៅ Liverpool តម្លៃ១៦លានផោនរដូវកាលមុន និងស៊ុតចូលទីឲ្យហង្សក្រហម បានតែ១គ្រាប់គត់ ក្នុងការបង្ហាញខ្លួនសរុប១៦ប្រកួតនៅ Premier League៕
ចុះប្រិយមិត្តយល់ថា Balotelli គួរចេញពី Liverpool ឬនៅបន្ត?
ប្រែសម្រួល៖ វិន ជីវ័ន្ត ប្រភព៖ mirror
