- 2015-05-18 17:02:43
- បាល់ទាត់
Rodgers៖ Liverpool ខ្វះអ្នកដឹកនាំលើទីលាន និងខ្វះគុណភាព
- 2015-05-18 17:02:43
- ចំនួនមតិ 0 | ចំនួនចែករំលែក 0
Rodgers៖ Liverpool ខ្វះអ្នកដឹកនាំលើទីលាន និងខ្វះគុណភាព
ចន្លោះមិនឃើញ
អ្នកចាត់ការក្រុម Liverpool លោក Brendan Rodgers បានលើកឡើងថា ក្រុមហង្សក្រហមរបស់លោកខ្វះនូវអ្នកដឹកនាំក្រុមលើទីលានប្រកួត និងខ្វះកីឡាករដែលមានគុណភាព ទើបរដូវកាលនេះធ្លាក់ជើង ហើយលោកបន្ថែមថា ការចាកចេញរបស់ Steven Gerrard នឹងកាន់តែធ្វើឲ្យក្រុមលំបាកថែមទៀត។
ក្រុមរបស់លោក Rodgers បានចាញ់ Crystal Palace ៣-១ ក្នុងការប្រកួតទឹកដីខ្លួនឯងចុងក្រោយ របស់ Gerrard កាលពីថ្ងៃសៅរ៍ និងមិនអាចទទួលបានកៅអីទៅលេង UEFA Champions League ទៀត បន្ទាប់ពីចាញ់ Manchester United ដល់ទៅ៧ពិន្ទុ ខណៈការប្រកួតនៅសល់តែ១លើកទៀតចប់រដូវកាល។
អ្នកចាត់ការសញ្ជាតិអៀរឡង់ខាងជើងបាននិយាយថា៖ "យើងត្រូវតែរកដំណោះស្រាយ។ Gerrard ជាកីឡាករដ៏មានឥទ្ធិពលសម្រាប់អ្នករាល់គ្នា និងជាតារាដែលមានគុណភាព។ ប៉ុន្តែបើអ្នកចង់ក្លាយជាកីឡាករឆ្នើមនៅក្លិបធំដូចនេះ អ្នកត្រូវតែចេះដឹកនាំ និងលេងឲ្យបានល្អក្នុងការប្រកួតធំៗ។ សម្រាប់រដូវកាលថ្មី ខ្ញុំគិតថាយើងមានកីឡាករល្អៗ ប៉ុន្តែយើងត្រូវតែបន្ថែមកីឡាករដែលមានគុណភាព ហើយយើងត្រូវតែស្វែងរកគ្រាប់បាល់ឲ្យបានច្រើនវិញ"។
លោក Rodgers បន្ថែមថា លោកដឹងថា អ្នកគាំទ្រពិតជាខកចិត្តខ្លាំងណាស់ ចំពោះទម្រង់លេងរបស់ក្រុមនៅរដូវកាលនេះ។ ប៉ុន្តែលោកបន្ថែមថា លោកនឹងទិញចូលកីឡាករថ្មី ដែលធ្វើឲ្យក្រុមមានភាពខុសប្លែក និងរីកចំរើនជាងមុន ពេលទីផ្សារដោះដូរកីឡាករបើក ក្រោយចប់រដូវកាលនេះ៕
ចុះប្រិយមិត្តយល់យ៉ាងណា ចំពោះការលើកឡើងរបស់លោក Rodgers ខាងលើនេះ?
-ចុចអាន៖ Rodgers៖ Liverpool ជាក្រុមប្រជែងយកជើងឯករដូវកាលក្រោយ
ប្រែសម្រួល៖ វិន ជីវ័ន្ត ប្រភព៖ goal.com
