- 2015-02-06 21:03:47
- បាល់ទាត់
Moyes៖ «ខ្ញុំហាមកីឡាករ Man Utd មិនឲ្យញ៉ាំដំឡូងបំពងព្រោះ...»
- 2015-02-06 21:03:47
- ចំនួនមតិ 0 | ចំនួនចែករំលែក 0
Moyes៖ «ខ្ញុំហាមកីឡាករ Man Utd មិនឲ្យញ៉ាំដំឡូងបំពងព្រោះ...»
ចន្លោះមិនឃើញ
អតីតអ្នកចាត់ការនៅកីឡដ្ឋាន Old Trafford លោក David Moyes បានបង្ហើបឲ្យដឹងថា លោកហាមកីឡាករមិនឲ្យញ៉ាំដំឡូងបំពង ពេលលោកនៅដឹកនាំក្រុម Manchester United ដោយសារតែអតីតកូនក្រុមរបស់លោកមួយចំនួនធាត់ៗពេក។
បុរសសញ្ជាតិស្កុតឡែន ធ្លាប់ត្រូវបានកីឡាករ Rio Ferdinand រិះគន់ពីបម្រាមខុសទំនងនេះផងដែរ។ អតីតខ្សែការពារ Man Utd វ័យ៣៦ឆ្នាំ បានសរសេរក្នុងសៀវភៅរបស់គេថា៖ «យើងចូលចិត្តដំឡូងបំពង ប៉ុន្តែពេលដែលលោក Moyes មកដល់បាន១សប្ដាហ៍ គាត់និយាយថា យើងមិនអាចញ៉ាំដំឡូងបំពងទៀតទេ»។
ទោះយ៉ាងណា បច្ចុប្បន្នអ្នកចាត់ការក្រុម Real Sociedad បានប្រាប់ដល់ទស្សនាវដ្ដី Four Four Two ថា៖ «មែន! ខ្ញុំពិតជាបានហាមកីឡាករមិនឲ្យញ៉ាំដំឡូងបំពងមែន ព្រោះតែកីឡាករមួយចំនួនឡើងទម្ងន់ ហើយខ្ញុំគិតថា វាមិនល្អសម្រាប់របបអាហាររបស់ពួកគេ»។
គួររំឭកថាក្លិបបិសាចក្រហម Manchester United បានសម្រេចចិត្តបញ្ឈប់លោក Moyes ពីតំណែងអ្នកចាត់ការក្លិប កាលពីខែមេសាឆ្នាំមុន បន្ទាប់ពីអ្នកចាត់ការវ័យ ៥១ឆ្នាំរូបនេះ ដឹកនាំ៥១ប្រកួត ចាញ់ដល់ទៅ១៥លើក៕
ប្រែសម្រួល៖ វិន ជីវ័ន្ត ប្រភព៖ Mirror
