- 2014-11-28 16:41:57
- បាល់ទាត់
ចប់! Wilshere អត់បានលេង៤ខែទៀតហើយ ឯ Vermaelen ៥ខែ
- 2014-11-28 16:41:57
- ចំនួនមតិ 0 | ចំនួនចែករំលែក 0
ចប់! Wilshere អត់បានលេង៤ខែទៀតហើយ ឯ Vermaelen ៥ខែ
ចន្លោះមិនឃើញ
ពិតជាកីឡាករកំពូលរបួសមែន! ខ្សែបម្រើឆ្នើមរបស់ Arsenal , Jack Wilshere ដែលរងរបួសកែងជើងពេលលេងទល់ Man Utd នោះនឹងត្រូវអវត្តមានរហូតដល់ទៅ៤ខែ ក្រោយធ្វើការពិនិត្យសុខភាពរួចរាល់ ខណៈដែល Thomas Vermaelen របស់ Barcelona វិញអវត្តមានរហូតដល់ទៅ៥ខែឯណោះបន្ទាប់ពីរងរបួសភ្លៅ។
បន្ទាប់ពីពិនិត្យសុខភាពរួចរាល់ ហើយដឹងខ្លួនថាត្រូវសម្រាកដល់៤ខែនោះ Wilshere បានសរសេរពាក្យមួយចំនួននៅលើ Instagram របស់គេថា៖ “កែងជើងត្រូវការការវះកាត់ សូមអរគុណដល់ James Calder (គ្រូពេទ្យ) ដែលបានព្យាយាមជួយដល់ខ្ញុំ ព្រោះកែងជើងនេះពិតជាមានរបួសខ្លាំងណាស់។ ខ្ញុំត្រូវតែមានកម្លាំងចិត្ត និងជឿជាក់លើខ្លួនឯង ទោះជាមាននរណាមកមើលងាយឬគិតអ្វីមកលើក៏ដោយ យើងត្រូវគិតវាតែផ្លូវល្អបានហើយ ”។
ងាកមក Thomas Vermaelen ឯនេះវិញ បន្ទាប់ពីផ្លាស់ពី Arsenal មក Barcelona រូបគេមិនទាន់បានចូលលេងមួយប្រកួតនោះទេគឺគ្រាន់តែអាចហ្វឹកហាត់ប៉ុណ្ណោះ ព្រោះពេលផ្លាស់មកនោះរូបគេនៅមានរបួសនៅឡើយ។ ហើយពេលនេះ ខាងក្លិប Barca បានឱ្យព័ត៌មានថាខ្សែការពារកណ្ដាលរូបនេះនឹងត្រូវសម្រាកព្យាបាលបន្តទៀត ដែលអាចប្រើពេលរហូតដល់ទៅ៥ខែឯណោះ។
នៅចាំបានថា របួសរបស់ខ្សែការពារជម្រើសជាតិបែលហ្សិករូបនេះគឺកើតមានតាំងពីលេងវគ្គជម្រុះ World Cup ជាមួយក្រុមជម្រើសជាតិរុស្ស៊ីមកម៉្លេះ។ ដោយឡែក Jack Wilshere វិញរូបគេធ្លាប់មានរបួសត្រង់កែងជើងស្ដាំម្ដងមកហើយកាលពីឆ្នាំ២០១៣កន្លងទៅ ហើយបើគិតសរុបជារួមមកខ្សែបម្រើរូបនេះប្រើពេលព្យាបាលរបួសរហូតដល់ទៅ១១៩សប្ដាហ៍មកហើយ ក្នុងរយៈពេល៥ឆ្នាំមកនេះនៅ Arsenal ។ មួយវិញទៀត៥ឆ្នាំនេះដែរ រូបគេបានចូលលេងតែ៩៥ប្រកួតប៉ុណ្ណោះ៕
ចុចអាន៖ កីឡាករ១០នាក់មានចិត្តសប្បុរសបំផុត បរិច្ចាគប្រាក់មិនចាញ់មហាសេដ្ឋី ប្រែសម្រួល៖ មុន្នី រម្យ ប្រភព៖ bbc,dailymail
