ហង្ស​ក្រហម​ Liverpol បាន​ធ្លាក់​ចេញ​​​ពី​ពាន​រង្វាន់ UEFA Champions League បន្ទាប់​ពី​ពួក​គេ​​ចាញ់​ក្រោម​ថ្វី​ជើង​ PSG ក្នុង​​វគ្គ​ប៉េណាល់ទី​កាត់​សេចក្ដី​វគ្គ​១៦​ក្រុម​ចុង​ក្រោយ​​ស្មើ​គ្នា​១-១ ក្នុង​ការ​ប្រកួត​ពីរ​ជើង​។

ក្រោយ​ការ​ប្រកួត​ចប់​ និង​បាន​ដឹង​ថា ​ក្រុម​របស់​ខ្លួន​បាន​ធ្លាក់​ចេញ​ពី​ពាន​រង្វាន់​​ខាង​​លើ​នេះ ​​ខ្សែ​ប្រយុទ្ធ​ស្លាប Mohamed Salah បាន​សម្រក់​ទឹក​ភ្នែក​ ដែល​បង្ហាញ​ពី​ចេតនា​ និង​ប្រផ្នូល​​នៃ​ការ​លា​គ្នា។ គេ​ដឹង​ថា ​មក​ទល់​ពេលនេះ​ព័ត៌មាន​នៃ​ការ​ត​កុង​ត្រា​បន្ថែម​ជាមួយ​ក្លិប​នៅ​មិនទាន់​​លេច​រូបរាង​ជា​ផ្លូវ​ការ​នៅ​ឡើយ​ទេ ខណៈ​ដែល​​កុង​ត្រា​ចាស់​នឹង​ផុស​នៅ​ចុង​រដូវ​កាលនេះ។

ទន្ទឹម​នឹង​នោះ​ Mo Salah ​​ធ្លាប់​បាន​និយាយ​ថា​គេ​រីករាយ​ក្នុង​ការ​បន្ត​កុង​ត្រា ​តែ​មក​ទល់​ពេលនេះ​នៅ​មិនទាន់​ច្បាស់​នៅ​ឡើយ​​។ ការ​សម្រក់​ទឹក​ភ្នែក​ធ្វើ​ឲ្យ​អ្នកគាំទ្រ​ Liverpool ​​ដាក់​ការ​សង្ស័យ​ថា ​កុង​ត្រា​រវាង​ក្លិប​ នឹង​ Salah ​ហាក់​​ស្ថិត​ក្នុង​ភាព​លំបាក​​។ យ៉ាង​ណា​មក​ទល់​ពេល​នេះ Salah នៅ​តែ​ជា​កីឡាករ​សំខាន់​របស់ Liverpooo ដោយ​ចូលលេង​ជា​ជម្រើស​ដំបូង​រហូត​មក ហើយ​​ក៏​បាន​ទាត់​ចូល​ទីនៅ English Premier League បាន​២៧​គ្រាប់ និង UCL បាន ៣​គ្រាប់​ផងដែរ​ សម្រាប់​រដូវ​កាល​នេះ​៕ ​​​ ​​