- 2025-01-18 01:55:00
- បាល់ទាត់
អ្វីៗត្រូវបានបញ្ចប់ Alphonso Davies សម្រេចបន្តកុងត្រានៅ Bayern
- 2025-01-18 01:55:00
- ចំនួនមតិ 0 | ចំនួនចែករំលែក 0
អ្វីៗត្រូវបានបញ្ចប់ Alphonso Davies សម្រេចបន្តកុងត្រានៅ Bayern
ចន្លោះមិនឃើញ
Alphonso Davies សម្រេចបន្តកុងត្រាថ្មីនៅ Bayern Munich ហើយ ខណៈដែលកុងត្រាចាស់ នឹងផុតនៅឆ្នាំ ២០២៥ នេះ។ ការសម្រេចចិត្តតកុងត្រានេះមិនទាន់ច្បាស់ថា នឹងបន្តដល់ពេលណានោះទេ គ្រាន់តែតាមភ្នាក់ងាររបស់គេបញ្ជាក់ពីការបដិសេធទាំងអស់រាល់ការស្នើឲ្យចាកចេញពីក្លិបនៅទឹកដីអាល្លឺម៉ង់មួយនេះ។
នៅមួយរយៈពេលចុងក្រោយនេះព័ត៌មានចចាមអារ៉ាមដែលមានការតាមចែចូវទៅ លើខ្សែការពារស្លាប Alphonso Davies គឺមានច្រើនមែនទែនមិនថាក្រុម Real Madrid របស់អេស្ប៉ាញ និងក្រុមនៅ English Premier League តែសុទ្ធតែតាមសំឡឹងមើលខ្សែការពាររូបនេះ។ គិតមកដល់ថ្ងៃទី១៨ ខែមករា ឆ្នាំ២០២៥ អ្វីគ្រប់យ៉ាងត្រូវបានបញ្ចប់បន្ទាប់ពីថ្នាក់ដឹកនាំរបស់ក្លិប និងភ្នាក់ងារបស់ Alphonso Davies បានព្រមព្រៀងគ្នាលើកុងត្រាបន្ថែមរួចអស់ហើយ។
Alphonso Davies បច្ចុប្បន្ននេះគេមានវ័យ២៤ឆ្នាំ និងជាខ្សែការពារស្លាបដ៏មានសក្ដានុពលម្នាក់របស់ Bayern Munich ។ រូបគេបានចូលរួមជាមួយក្លិបយក្សរបស់អាល្លឺម៉ង់មួយនេះចាប់ពីឆ្នាំ២០១៩ ដោយបង្ហាញខ្លួនសរុបបាន១៥០ប្រកួត និងរកបាន៩គ្រាប់ក្នុងនាមជាខ្សែការពារស្លាប និងតែងតែឡើងទៅជួយនៅតំបន់ប្រយុទ្ធម្ដងម្កាល៕
