គ្រូបង្វឹករបស់ Bilbao « ខ្ញុំជឿលើ Williams ព្រោះគាត់កំពុងរីករាយជាមួយយើង»

2024-07-19 01:10:00
បាល់ទាត់

2024-07-19 01:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកErnesto Valverde គ្រូបង្វឹករបស់ក្លឹប Athletic Bilbao បញ្ជាក់ពីរឿងនៃការចាក់ចេញរបស់កីឡាករឆ្នើម Nico Williams ដែលវានឹងកើតឡើងនាទីផ្សារដោះដូរកីឡាកររដូវក្ដៅខាងមុខនេះ។

Nico Williams និងក្លឹប Athletic Bilbao សល់កុងត្រារហូតដល់ ២០២៧ ប៉ុន្តែត្រូវបានគេដឹងថា មានក្លឹបធំៗជាច្រើនបានចាប់អារម្មណ៍ចង់បានកីឡាកររូបនេះ ។ បន្ទាប់ពីគេបង្ហាញទម្រង់លេងដ៏គួរឲ្យចាប់អារម្មណ៍ និងបានជួយក្រុមជម្រើសជាតិអេស្ប៉ាញលើកពាន EURO 2024 បន្ទាប់ពីស៊ុតចូលយកឈ្នះក្រុមជម្រើសជាតិអង់គ្លេសនៅវគ្គផ្ដាច់ព្រ័ត្រដែលបញ្ចប់ទៅ២-១។

បើតាមរបាយការណ៍ពីកាសែតអេស្ប៉ាញ Mundo Deportivo បានឲ្យដឹងថា ប្រធានគ្រប់គ្រងផ្នែកកីឡារបស់ក្លឹប Barcelona និងភ្នាក់ងាររបស់ Deco បានជួបជជែកគ្នារួចហើយ កាលពីថ្ងៃអង្គារ ដើម្បីពិភាក្សា ពីរឿងកុងត្រារវាង Nico Williams និងក្លឹប Barcelona នៅក្នុងសណ្ឋាគារមួយកន្លែងនៅទីក្រុង Zaragoza ។

លោក Ernesto Valverde បានទាំងសម្ដែងការពេញចិត្តចំពោះអ្វីដែលកីឡាកររបស់លោក Nico Williams បានធ្វើនាពេលកន្លងពិសេសក្នុងការបង្ហាញនាព្រឹត្តិការណ៍ EURO 2024និងបាននិយាយថា «ខ្ញុំមិនមានការសង្ស័យសម្រាប់ Nico Williams ពេលនេះខ្ញុំឃើញគាត់កំពុងវិវឌ្ឍន៍ខ្លួនទៅរកភាពល្អប្រសើរហើយ។ បាទ!ខ្ញុំឃើញគាត់ពេលនេះស្ថិតក្នុងស្ថានភាពមួយដែលគ្រប់គ្នាចង់បានគាត់ នេះហើយជាអ្វីដែលគ្រូគ្រប់គ្នាចង់ឃើញសិស្សរបស់ខ្លួន ខ្ញុំពិតជារីករាយណាស់។ សម្រាប់ក្លឹបយើងឆ្នាំនេះមានការប្រកួតពានរង្វាន់ច្រើន...យ៉ាងណាខ្ញុំមានទំនុកចិត្តលើ Nico Williams និងជឿជាក់លើការសម្រេចចិត្តរបស់គាត់»។

លោកបានបន្ថែមទៀតថា «យើងដឹងហើយគាត់ ( Nico Williams ) មិនមែនជាកីឡាករតែម្នាក់ទេ ដែលមានពាក្យចចាមអារ៉ាមថាចេញពីនេះទៅនោះ ពោលគឺមានកីឡាករច្រើនទៀត ប៉ុន្តែយើងត្រូវរង់ចាំមើលដល់ទីផ្សារដោះដូរកីឡាករបិទនាចុងខែសីហា ថានឹងមានរឿងអ្វីកើតឡើង។ Williams ជាកីឡាករល្អម្នាក់ក្នុងលោកដូច្នេះពិតជាមានការចង់បានពីសំណាក់ក្លឹបជាច្រើនបែបនេះហើយ ប៉ុន្តែគាត់កំពុងតែសប្បាយរីករាយជាមួយយើង យ៉ាងណាយើងនៅរង់ចាំគាត់ត្រឡប់ពីវិស្សមកាលសិន»។