![](http://cdn.sabay.com/cdn/media.sabay.com/media/sabay-news/Srey-Sovandara/6695c01cb7213_1721090040_medium.jpg)
- 2024-07-16 04:36:00
- បាល់ទាត់
អីយ៉ាស់! Rodri ត្រូវបានភ្នាក់ងាររបស់ Real Madrid កំពុងតាមចែចូវ តែគេឆ្លើយថា...
- 2024-07-16 04:36:00
- ចំនួនមតិ 0 | ចំនួនចែករំលែក 0
អីយ៉ាស់! Rodri ត្រូវបានភ្នាក់ងាររបស់ Real Madrid កំពុងតាមចែចូវ តែគេឆ្លើយថា...
ចន្លោះមិនឃើញ
ទើបតែជួយជម្រើសជាតិអេស្ប៉ាញរបស់ខ្លួនលើកពាន EURO 2024 ថ្មីៗ Rodrigo កំពុងត្រូវបានក្លឹបយក្សស្ដេចស Real Madrid សំឡឹងឃើញ និងបានបញ្ជូនភ្នាក់ងារឲ្យតាមចែចូវយកខ្សែបម្រើ និងជាតារាឆ្នើមរបស់មេឃខៀវ Manchester City ទៅកាន់ទឹកដីអេស្ប៉ាញ។
ឆ្លើយតបជាមួយការតាមលួងលោមពីសំណាក់ក្រុម Real Madrid និងពិសេសពីសំណាក់មិត្តរួមក្រុមជម្រើសជាតិ Dani Carvajal ខ្សែបម្រើដ៏សំខាន់របស់ មេឃខៀវ បាននិយាយថា «ខ្ញុំរីករាយនៅទីនេះ ( Manchester City ) ខ្ញុំកំពុងតែលេងនៅក្លឹបធំជាងគេមួយ ក្នុងចំណោមក្លឹបធំៗក្នុងពិភពលោក ដូច្នេះខ្ញុំពិតជាមិនទាន់គិតពីរឿងចង់ចាកចេញឡើយ។ បាទ!វាច្បាស់ណាស់សម្រាប់ខ្ញុំគឺខ្ញុំកំពុងតែរីករាយជាមួយវាទាំងអស់នេះ»។
កីឡាករដដែលបាននិយាយទៀតថា «ខ្ញុំនៅសល់កុងត្រាជាមួយ Manchester City ៣ឆ្នាំទៀត ហេតុដូច្នេះមានរឿងអ្វីកើតឡើងបន្ទាប់មកទៀតគឺមានតែរង់ចាំមើល ពេលចប់កុងត្រាប៉ុណ្ណោះ។
Rodri បានមកកាន់ទឹកដីអង់គ្លេសកាលឆ្នាំ២០១៩ ដោយកាលនោះផ្ទេរមកពីក្លឹបយក្សអេស្ប៉ាញ AT Madrid បើគីតមកដល់ពេលនេះគេបានចូលលេងសរុបប្រមាណ១៧២ប្រកួតហើយឲ្យ Manchester City និងរកបាន២២គ្រាប់ ដ្បិតតែរកគ្រាប់មិនសូវបានច្រើន ប៉ុន្តែ Rodri ជាអ្នកនាំលេងដ៏សំខាន់របស់ មេឃខៀវ នៅតំបន់បម្រើកណ្ដាល៕