/66912851dd2e1_1720789020_medium.png)
- 2024-07-12 12:59:50
- បាល់ទាត់
Simone Inzaghi បានចុះកុងត្រាថ្មីជាមួយ Inter Milan
- 2024-07-12 12:59:50
- ចំនួនមតិ 0 | ចំនួនចែករំលែក 0
Simone Inzaghi បានចុះកុងត្រាថ្មីជាមួយ Inter Milan
ចន្លោះមិនឃើញ
លោក Simone Inzaghi បានធ្វើការចុះកុងត្រាថ្មីបន្តធ្វើជាគ្រូបង្គោលជាមួយក្លឹប Inter Milan បន្តដល់ថ្ងៃទី៣០ ខែមិថុនា ឆ្នាំ២០២៦។
បើតាមការចុះផ្សាយរបស់ លោក Fabrizio Romano លោកបានធ្វើការព្រមព្រៀងចុះកុងត្រានៅក្នុងថ្ងៃនេះតែម្ដងដោយនៅក្នុងកុងត្រាថ្មីនេះ លោកនឹងទទួលបានប្រាក់ពលកម្មក្នុងមួយរដូវកាលគឺ ៦.៥លានអ៊ឺរ៉ូ។
នៅក្នុងករណីដែលក្លឹបនេះបានឈ្នះពានលីគកំពូល Serie A នៅក្នុងរដូវកាលរដូវកាល២ឆ្នាំខាងមុខនេះ លោកនឹងទទួលបានប្រាក់លើកទឹកចិត្តក្នុងមួយរដូវកាលគឺ ២លានអ៊ឺរ៉ូ។
Inter Milan មានបំណងចង់បន្តកុងត្រាថ្មីជាមួយ លោក Simone Inzaghi ដែលជាគ្រូបង្គោលក្លឹបនេះផ្ទាល់ឲ្យបន្តដឹកនាំរយៈពេលវែងតាំងពីខែមេសា ឆ្នាំ២០២៤កន្លងទៅនេះម្ល៉េះព្រោះតែកុងត្រារបស់លោកនឹងបញ្ចប់ជាមួយក្លឹបនេះនៅថ្ងៃទី៣០ ខែមិថុនា ឆ្នាំ២០២៥។
លោក Inzaghi ក៏ត្រូវបានគេដឹងថាមានបំណងចង់បន្តកុងត្រាថ្មី និងចង់នៅបន្តជាមួយ Inter Milan ផងដែរតាំងពីក្លឹបនេះបានបើកការចរចាតាំងពីដំបូង។
លោកបានមកដឹកនាំក្លឹបនេះតាំងពីឆ្នាំ២០២១មកដោយធ្លាប់ឈ្នះពាន Serie A ក្នុងរដូវកាលនេះ, ពាន Super Cup ៣រដូវកាលជាប់គ្នា និងពាន Cup ចំនួន២រដូវកាល៕
ប្រភព៖ Fabrizio Romano
