- 2024-07-11 00:45:00
- បាល់ទាត់
Watkins ៖ ខ្ញុំមិនដែលធ្លាប់គិតថា ខ្ញុំអាចលេងឲ្យជម្រើសជាតិអង់គ្លេសទេ
- 2024-07-11 00:45:00
- ចំនួនមតិ 0 | ចំនួនចែករំលែក 0
Watkins ៖ ខ្ញុំមិនដែលធ្លាប់គិតថា ខ្ញុំអាចលេងឲ្យជម្រើសជាតិអង់គ្លេសទេ
ចន្លោះមិនឃើញ
ខ្សែប្រយុទ្ធរបស់ជម្រើសជាតិអង់គ្លេស Ollie Watkins បានសម្ដែងការអបអរជាខ្លាំងបន្ទាប់ពីគេរកបានគ្រាប់បាល់ចុងម៉ោង ដើម្បីជួយអង់គ្លេសឲ្យឡើងទៅកាន់វគ្គផ្ដាច់ព្រ័ត្របន្ទាប់ពីទម្លាក់ក្រុមខ្លាំង ហុល្លង់ ២-១ កាលពីម៉ោង២យប់ថ្ងៃទី១០ ឈានចូលថ្ងៃទី១១ ខែកក្កដា ឆ្នាំ២០២៤ ក្នុងព្រឹត្តិការណ៍ EURO 2024 ដែលកំពុងធ្វើឡើងនៅប្រទេសអាល្លឺម៉ង់។
មួយគ្រាប់នៅនាទីទី៩០+១ ក្នុងការបន្ថែមម៉ោងត្រឹមតែ២នាទីវាគ្រប់គ្រាន់ឲ្យអង់គ្លេសឡើងទៅដោយស្រួល ដើម្បីជួបអេស្ប៉ាញនៅវគ្គផ្ដាច់ព្រ័ត្រ។ យ៉ាងណាក្រោយពេលប្រកួតចប់ភ្លាមហើយមួយគ្រាប់របស់ Ollie Watkins បានធ្វើឲ្យគេមានការរំភើបជាខ្លាំង និងបាននិយាយពីពាក្យក្នុងចិត្តថា «ខ្ញុំមិនដែលធ្លាប់ស្រមៃថាបានលេងឲ្យជម្រើសជាតិអង់គ្លេសទេ។ កាលពី៩ឆ្នាំមុនខ្ញុំលេងឲ្យក្រុមមួយដែលគេមិនស្គាល់បើនិយាយពីកម្រិតលីគគឺមិនត្រូវបានគេរាប់បញ្ចូលផង»។
កីឡាករដដែលបានបន្ថែមថា «បើនិយាយដោយស្មោះត្រង់ខ្ញុំមិនធ្លាប់ស្រមៃបែបនេះទេ។ ខ្ញុំមិនអាចកុហកខ្លួនឯង និងអ្នកទាំងអស់គ្នាបានទេ ការរកគ្រាប់បាល់ឲ្យអង់គ្លេសគឺជារឿងមួយដ៏អស្ចារ្យសម្រាប់ខ្ញុំ ហើយពិសេសនោះក្នុងព្រឹត្តិការណ៍ដ៏ធំបែបនេះទៀតបើគិតទៅវាពិតជាពិសេសសម្រាប់ខ្ញុំខ្លាំងមែនទែន»។
Ollie Watkins បានប្ដូរចូលលេងទល់ហុល្លង់នាទី៨១ ជំនួស Harry Kane ហើយនេះជាការប្ដូរចូលលើកទី២គិតចាប់ពីព្រឹត្តិការណ៍ EURO 2024 ចាប់ផ្ដើម ហើយក៏ជាគ្រាប់បាល់ដំបូងរបស់គេឲ្យក្រុមជម្រើសជាតិអង់គ្លេសក្នុងព្រឹត្តិការណ៍ដែលកំពុងធ្វើឡើងនៅប្រទេសអាល្លឺម៉ង់មួយនេះដែរ៕
