- 2024-07-01 22:05:00
- បាល់ទាត់
Ronaldo សម្រកទឹកភ្នែកក្រោយទាត់ប៉េណាល់ទីមិនចូលនៅម៉ោងបន្ថែម១៥នាទី២ដង
- 2024-07-01 22:05:00
- ចំនួនមតិ 0 | ចំនួនចែករំលែក 0
Ronaldo សម្រកទឹកភ្នែកក្រោយទាត់ប៉េណាល់ទីមិនចូលនៅម៉ោងបន្ថែម១៥នាទី២ដង
ចន្លោះមិនឃើញ
ខ្សែប្រយុទ្ធជម្រើសជាតិ ព័រទុយហ្គាល់ Cristiano Ronaldo បានសម្រកទឹកភ្នែកក្រោយមិនអាចទាត់បាល់បញ្ចូលទីបានសម្រេចបន្ទាប់ពីទទួលបានបាល់ពិន័យ១១ម៉ែត្រនៅម៉ោងបន្ថែម១៥នាទី២ដង សម្រាប់ការប្រកួតក្នុងព្រឹត្តិការណ៍ EURO 2024 ដែលកំពុងធ្វើឡើងនៅប្រទេសអាល្លឺម៉ង់វគ្គ១៦ក្រុមចុងក្រោយរវាង ព័រទុយហ្គាល់ និង ស្លូវើនៀ ។
ក្រុមទាំងពីរបញ្ចប់ត្រឹម០-០ ក្នុងរយៈពេល៩០នាទី បើទោះជាមានឱកាសស៊ុតគ្នាជាច្រើនលើកយ៉ាងណាក៏ដោយ។ ចូលដល់ម៉ោងបន្ថែម១៥នាទី២ដងលើកទី១ Diogo Jota បានអូសបាល់ចូលតំបន់គ្រោះថ្នាក់របស់ ស្លូវើនៀ ហើយពេលនោះខ្សែការពារបានបង្កើតកំហុស បណ្ដាលឲ្យព័រទុយហ្គាល់មានបាល់ពិន័យ១១ម៉ែត្រ ហើយ Cristiano Ronaldo ជាអ្នករ៉ាប់រងក្នុងការទាត់បាល់ពិន័យនៅក្នុងវិនាទីដ៏សំខាន់មួយនេះ។
ក្នុងការស៊ុតបាល់ពិន័យ១១ម៉ែត្រនោះ JAN OBLAK អ្នកចាំទីរបស់ ស្លូវើនៀ បានហក់ទៅទះបាល់ចេញយ៉ាងល្អ ដែលនាំឲ្យក្រុមទាំងពីរនៅតែបន្តរក្សាសំណាញ់ទី ០-០ រហូតដល់ចប់ម៉ោងបន្ថែម១៥នាទីលើកទី១ ហើយពេលនោះ Cristiano Ronaldo បានសម្រកទឹកភ្នែកបើទោះក្រុមរបស់ខ្លួនមិនទាន់ដឹងថាធ្លាក់ឬយ៉ាងណាក៏ដោយ ដែលការយំនេះបង្ហាញការខឹងចិត្តមិនអាចជួយក្រុមបានឡើងទៅត្រឹមម៉ោងបន្ថែម១៥នាទីពីរដង រហូតការប្រកួតឈានដល់ការទាត់បាល់កាត់សេចក្ដីប៉េណាល់ទី។
ទោះជាយ៉ាងណា Ronaldo ទទួលបានភាពសប្បាយរីករាយមកវិញបន្ទាប់ពីក្រុមរបស់ខ្លួននៅតែអាចឡើងទៅកាន់វគ្គបន្តបាន ដែលត្រូវប៉ះ បារាំង នៅវគ្គ៨ក្រុមចុងក្រោយ បន្ទាប់ពីយកឈ្នះលើ ស្លូវើនៀ ដោយបាល់កាត់សេចក្ដី១១ម៉ែត្រក្នុងលទ្ធផល ៣-០ ៕
