- 2024-02-26 04:56:25
- បាល់ទាត់
យុវជនក្មេងៗបង្ហាញអារម្មណ៍សប្បាយរីករាយខ្លាំងបន្ទាប់ពីចូលរួមព្រឹត្តិការណ៍ EUROPE Trail
- 2024-02-26 04:56:25
- ចំនួនមតិ 0 | ចំនួនចែករំលែក 0
យុវជនក្មេងៗបង្ហាញអារម្មណ៍សប្បាយរីករាយខ្លាំងបន្ទាប់ពីចូលរួមព្រឹត្តិការណ៍ EUROPE Trail
ចន្លោះមិនឃើញ
បន្ទាប់ពីធ្វើការប្រកួតពេញមួយថ្ងៃព្រឹត្តិការណ៍ EUROPE Trail បានបញ្ចប់ដោយជោគជ័យកាលពីម្សិលមិញ ខណៈយុវជនក្មេងៗបង្ហាញការសប្បាយរីករាយជាខ្លាំងដែលបានចូលរួមការប្រកួតពិសេសមួយនេះ។
មូន កីឡាករវ័យក្មេងដែលបានចូលរួមក្នុងព្រឹត្តិការណ៍ EUROPE Trail បានឲ្យដឹងថា រូបគេមានចិត្តសប្បាយរីករាយជាខ្លាំងបន្ទាប់ពីបានចូលរួមបង្ហាញសមត្ថភាពក៏ដូចជាប្រកួតជាមួយយុវជនដ៏ទៃទៀត។ រូបគេមិនរំពឹងថាជាប់ជាកីឡាករល្អ ឬហៅថា Top Talen នៅក្នុងព្រឹត្តិការណ៍នេះទេ ប៉ុន្តែបន្ទាប់ពីបានប្រកួតចប់ត្រូវបានគ្រូប្រកាសឈ្មោះថាជាប់។
យុវជនវ័យ ១១ឆ្នាំរូបនេះបន្ថែមទៀតថា ក្រុមគ្រួសាររបស់ខ្លួននឹងយល់ព្រមក៏ដូចជាគាំទ្រខ្លួនឲ្យចេញទៅហ្វឹកហាត់នៅអឺរ៉ុប តាមរយៈការជាប់តេស្តសមត្ថភាពនៃការប្រកួត ព្រឹត្តិការណ៍ EUROPE Trail នេះ ព្រោះអាណាព្យាបាលខ្លួនក៏បានមកលើកទឹកចិត្ត និងដឹងពីដំណឹងនេះផងដែរ។
បញ្ជាក់ដែរថា ព្រឹត្តិការណ៍ EUROPE Trail ដែលមានកីឡាករ កីឡាការិនីចូលរួមសរុប ២៥២នាក់មកពី ១០សាលាផ្សេងគ្នានេះបានបិទបញ្ចប់ការប្រកួតរបស់ខ្លួនហើយនៅទីលានបាល់ទាត់វិទ្យាល័យហ៊ុនសែនច្បារអំពៅ។ កម្មវិធីនេះបានជ្រើសរើសកីឡាករឆ្នើមចំនួន ២៥រូបបន្ទាប់ពីធ្វើការប្រកួតបញ្ចប់ទៅ។ ដោយឡែកកីឡាករ ១៥នាក់ត្រូវបានជ្រើសរើសឲ្យទៅហ្វឹកហាត់នៅអឺរ៉ុប និង ១០នាក់ទៀតទទួលបានការហ្វឹកហាត់នៅក្នុងស្រុកជាមួយក្លឹបបាល់ទាត់ Mate JR Sport រយៈពេល ៣ខែដោយមិនគិតកម្រៃ៕
