/65cf6627ca7e2_1708090860_medium.jpg)
- 2024-02-16 13:44:09
- បាល់ទាត់
បែកគ្នាជាមួយ Roma គឺជារឿងដ៏ឈឺចាប់សម្រាប់ Mourinho
- 2024-02-16 13:44:09
- ចំនួនមតិ 0 | ចំនួនចែករំលែក 0
បែកគ្នាជាមួយ Roma គឺជារឿងដ៏ឈឺចាប់សម្រាប់ Mourinho
ចន្លោះមិនឃើញ
អ្នកចាត់ការចាស់វស្សា Jose Mourinho ឈឺចាប់នឹងការបញ្ចប់ការងារលោកដោយក្លឹប Roma។
កាលពីពាក់កណ្ដាលខែមករាកន្លងទៅ លោក Mourinho ត្រូវបានបញ្ចប់ការងារជាអ្នកចាត់ការក្លឹប Roma ក្រោយក្រុមមានទម្រង់លេងមិនសូវល្អប៉ុន្មានខែចុងក្រោយ។ នេះបើទោះជាលោក បានជួយក្លឹបអ៊ីតាលីឈ្នះពាន Europa Conference League កាលពីឆ្នាំ ២០២២ និងឡើងដល់វគ្គផ្ដាច់ព្រ័ត្រ Europa League នៅឆ្នាំបន្ទាប់ក្ដី។ លោកបានមកដឹក Roma តាំងពីឆ្នាំ ២០២១។
លោក Mourinho បានប្រាប់ទស្សនាវដ្ដី FIVE ថា ពេញមួយអាជីពលោក ការបញ្ចប់ការងារដោយក្លឹប Roma គឺជារឿងដ៏គួរឲ្យឈឺចាប់មួយ ព្រោះលោកបានខិតខំអស់លទ្ធភាព។ លើសពីនេះ លោកបានបន្ថែមទៀតថា ក្នុងអំឡុងពេល ៣ ឆ្នាំនៅជាមួយ Roma លោកបានបដិសេធឱកាសទៅដឹកនាំក្រុមជម្រើសជាតិព័រទុយហ្គាល់។ បន្ថែមពីនេះ លោកក៏បានបដិសេធឱកាសទទួលបានលាភសក្ការៈជាច្រើន បើទៅព្រមទៅដឹកក្លឹបអារ៉ាប៊ីសាអ៊ូឌីត។ ទាំងអស់នេះ ក៏ដោយសារតែលោកស្រលាញ់ និងចង់ជួយ Roma។
បច្ចុប្បន្ន អតីតអ្នកចាត់ការក្លឹប Chelsea, Manchester United និង Real Madrid រូបនេះ កំពុងទំនេរ។ របាយការណ៍ជាច្រើនបានចុះផ្សាយថាក្លឹបធំៗខ្លះរួមមាន Bayern Munich ព្រមទាំង Napoli និង ក្លឹបមហាសេដ្ឋីជាច្រើននៅអារ៉ាប៊ីសាអ៊ូឌីតមានការចាប់អារម្មណ៍ចង់បានលោកមកធ្វើជាអ្នកចាត់ការ។ កន្លងទៅ លោក Mourinho ធ្លាប់បង្ហើបថាលោកចង់បន្តដឹកនាំក្លឹបនៅអឺរ៉ុប៕
