កីឡាករ Man Utd ពីររូបអាចនឹងចូលរួមជាមួយក្លឹប Ronaldo នៅអារ៉ាប៊ីសាអ៊ូឌីត

2024-01-24 11:10:07
ព័ត៌មាន

2024-01-24 11:10:07
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករក្លឹប Manchester United ចំនួន ២រូប អាចនឹងចូលរួមជាមួយខ្សែប្រយុទ្ធព័រទុយហ្គាល់ Cristiano Ronaldo ក្នុងការលេងនៅក្លឹប Al-Nassr នៃអារ៉ាប៊ីសាអ៊ូឌីត។ នេះបើតាមការចុះផ្សាយរបស់សារព័ត៌មាន Goal។

ប្រភពដដែលបានឱ្យដឹងថា កីឡាករបិសាចក្រហមទាំង ២រូបនោះរួមមាន ខ្សែបម្រើកណ្ដាលប្រេស៊ីល Casemiro និងខ្សែការពារស្លាបស្ដាំ Aaron Wan-Bissaka អាចនឹងផ្លាស់ទៅលេងនៅក្លឹប Al-Nassr នាពេលឆាប់ៗនេះ។

Casemiro មានកុងត្រាដល់ឆ្នាំ២០២៦ ជាមួយ Man Utd តែខានបានបង្ហាញខ្លួនតាំងពីខែវិច្ឆិកាឆ្នាំមុនមកម្ល៉េះ ដោយសារតែរបួស។ ចំណែកឯ Wan-Bissaka វិញ ហាក់ដូចជាមិនសូវបង្ហាញទម្រង់ល្អប៉ុន្មានទេនាពេលថ្មីៗនេះ។

ទោះជាយ៉ាងណាក៏ដោយ យើងនៅតែទន្ទឹងរង់ចាំថា Man Utd យល់ព្រមលក់កីឡាករទាំងពីរនេះ ឬ យ៉ាងណា ស្របពេលដែលទីផ្សាររដូវរងានឹងបញ្ចប់នាពេលឆាប់ៗនេះ៕