/658c0522c03e3_1703675160_medium.jpg)
- 2023-12-27 11:07:21
- បាល់ទាត់
Barca នាំចូលខ្សែប្រយុទ្ធប្រេស៊ីលវ័យក្មេង
- 2023-12-27 11:07:21
- ចំនួនមតិ 0 | ចំនួនចែករំលែក 0
Barca នាំចូលខ្សែប្រយុទ្ធប្រេស៊ីលវ័យក្មេង
ចន្លោះមិនឃើញ
អម្បាញ់មិញនេះ ក្លឹប Barcelona ទើបនាំចូលបានសម្រេចជាផ្លូវការខ្សែប្រយុទ្ធសញ្ជាតិប្រេស៊ីលវ័យ ១៨ ឆ្នាំ Vitor Roque។
កីឡាកររូបនេះបានមកចូលរួមជាមួយ Barca ពីក្លឹបប្រេស៊ីល Athletico Paranaense។
កីឡាកររូបនេះ បានធ្វើដំណើរមកដល់ទឹកដី Barcelona ហើយត្រូវបានរំពឹងថា នឹងចូលទៅហ្វឹកហាត់ជាមួយក្លឹបអ្នកមានបុណ្យនាពេលដ៏ខ្លីខាងមុខ។
តាមពិតទៅ ក្លឹបអ្នកមានបុណ្យ បានព្រមព្រៀងជាមួយ Athletico Paranaense តាំងពីខែកក្កដាមកម៉្លេះក្នុងការផ្ទេរខ្សែប្រយុទ្ធ Vitor Roque។ ទោះជាយ៉ាងណា ក្លឹបទាំងពីរសម្រេចឯកភាពគ្នាក្នុងការឲ្យ Vitor Roque បន្តលេងនៅប្រេស៊ីលប្រមាណ ៥ ខែទៀត មុននឹងមកលេងនៅ Barca។
ខ្សែប្រយុទ្ធ Vitor Roque ជាកីឡាករវ័យក្មេង និងមានសក្ដានុភាព។ ក្នុងឆ្នាំ ២០២៣ កីឡាករលេង ៤៥ ប្រកួត និងស៊ុតចូល ២១ គ្រាប់ឲ្យក្លឹប Athletico៕
ប្រភព៖ Fabrizio Romano
