Lampardថា អ្វីដែល Chelsea ខ្វះខាតគឺចំណុចមួយនេះ

2023-05-02 10:56:43
បាល់ទាត់

2023-05-02 10:56:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Frank Lampard អ្នកចាត់ការបណ្ដោះអាសន្នរបស់ក្លឹប Chelsea បាននិយាយទៅកាន់អ្នកកាសែតកាលពីពេលថ្មីៗនេះថា អ្វីដែលក្លឹបលោកខ្វះខាតគឺសមត្ថភាពក្នុងការរក្សាទម្រង់លេងល្អជាប្រចាំ។

លោក Lampard បាននិយាយថា៖"«ខ្ញុំធ្លាប់លេងឲ្យក្រុម Chelsea ដែលនៅពេលនោះមានការផ្លាស់ប្ដូរអ្នកចាត់ការជាច្រើនលើក។ ខ្ញុំបានឈ្នះពានលីគអង់គ្លេសចំនួន៣ដង ប៉ុន្តែខ្ញុំជឿថា ខ្ញុំអាចឈ្នះរហូតទៅដល់ ៥-៦ឯណោះ។ អ្វីដែលខ្ញុំគឺថា ក្លឹបនេះត្រូវការនៅក្នុងពេលនេះគឺគឺសមត្ថភាពក្នុងការរក្សាទម្រង់លេងល្អជាប្រចាំ»។

ក្នុងរដូវកាលនេះ Chelsea បានបញ្ចប់ការងារអ្នកចាត់ការពីររូបរួចមកហើយ ក្នុងនោះរួមមានលោក Thomas Tuchel កាលពីខែកញ្ញាឆ្នាំមុន និងលោក Graham Potter កាលពីដើមខែមេសាកន្លងទៅ ទោះជាចាយលុយរាប់រយលានដុល្លារដើម្បីនាំចូលកីឡាករឆ្នើមជាច្រើនក៏ដោយ។

តាំងពីមកដឹក Chelsea ជាលើកទី ២ កាលពីខែមេសាកន្លងទៅ Lampard មិនទាន់ស្គាល់ជាតិឈ្នះ ឬស្មើនៅឡើយនោះទេ ដោយដឹកសរុបបាន ៥ ប្រកួត ចាញ់ទាំង ៥ ប្រកួត។ ប្រកួតបន្ទាប់ គឺ Chelsea ត្រូវប៉ះ Arsenal នៅរំលងអាធ្រាត្រថ្ងៃនេះ (ម៉ោងនៅកម្ពុជា)។

នៅខណៈនេះ លោក Mauricio Pochettino ជាបេក្ខជនតែមួយគត់ដែល Chelsea បានធ្វើការចរចាចង់យកមកដឹកនាំក្លឹប។ លោកមានបទពិសោធន៍ធ្លាប់ដឹកនាំក្លឹបល្បីឈ្មោះមួយចំនួនរួមមាន Tottenham Hotspur និង PSG៕

អត្ថបទ៖ ហ៊ីម រស្មី