/644a5554d3887_1682593080_medium.jpg)
- 2023-04-27 13:08:00
- បាល់ទាត់
អតីតគ្រូ Man Utd លើកចិត្តអតីតគ្រូ Bayern មកដឹកនាំ Spurs
- 2023-04-27 13:08:00
- ចំនួនមតិ 0 | ចំនួនចែករំលែក 0
អតីតគ្រូ Man Utd លើកចិត្តអតីតគ្រូ Bayern មកដឹកនាំ Spurs
ចន្លោះមិនឃើញ
អតីតអ្នកចាត់ការក្លឹប Manchester United លោក Ralf Rangnick បានអំពាវនាវឲ្យអតីតអ្នកចាត់ការ Bayern Munich លោក Julian Nagelsmann មកដឹកនាំក្លឹប Tottenham Hotspur។
លោក Rangnick បាននិយាយថា Nagelsmann គួរតែទៅដឹកនាំក្លឹប Tottenham Hotspur ពីព្រោះហេតុផលមួយចំនួន។ ហេតុផលនោះរួមមាន Spurs គឺជាក្លឹបដែលមានកីឡដ្ឋានមួយក្នុងចំណោមកីឡដ្ឋានល្អបំផុតលើលោក ហើយមានទីលាន និងសម្ភារៈហ្វឹកហាត់ដ៏ល្អ។ មិនតែប៉ុណ្ណោះ ក្លឹបមានលោក Daniel Levy ដែលជាម្ចាស់ក្លឹបមានបទពិសោធន៍ដឹកនាំក្លឹបជាច្រើនឆ្នាំ។
Spurs បានធ្លាក់ទម្រង់លេងជាពិសេសនាពេលប៉ុន្មានខែចុងក្រោយនេះ ដែលបណ្ដាលឲ្យក្លឹបបានបញ្ចប់ការងារអ្នកចាត់ការដល់ទៅ ២ នាក់ ក្នុងនោះរួមមានលោក Antonio Conte កាលពីខែមីនា និង លោក Cristian Stellini កាលពីប៉ុន្មានថ្ងៃមុន។
បច្ចុប្បន្ន អ្នកចាត់ការបណ្ដោះអាសន្ន Ryan Howard កំពុងដឹកនាំក្លឹប រហូតដល់ក្លឹបរកគ្រូថ្មីបានដើម្បីដឹកនាំក្លឹបនៅរដូវកាលក្រោយ។ ពាក្យចចាមអារ៉ាមមួយចំនួនបានលើកឡើងថា លោក Nagelsmann ជាបេក្ខភាពឈានមុខសម្រាប់តំណែងអ្នកចាត់ការក្លឹប បន្ទាប់ពីលោកដកខ្លួនពីការប្រជែងយកតំណែងដឹកនាំក្លឹប Chelsea កាលពីពេលថ្មីៗនេះ៕
